12.06.2026 | 01:05
ԱԱ-2026․ Երեք կարմիր քարտ ու տանտերերի հաղթանակ՝ բացման խաղում․ ՏԵՍԱՆՅՈՒԹ
Աբբաս Արաղչին պարզաբանել է, թե որ պարագայում կգործի ԼՂ հակամարտության կարգավորման իրանական նախաձեռնությունը
Քաղաքականություն
02.11.2020 | 11:49
Հայաստանի ու Ադրբեջանի միջև հակամարտության կարգավորման Իրանի նախաձեռնած ծրագիրը ենթադրում է տարածաշրջանի պետությունների միջնորդական մասնակցություն։ Այս մասին հայտարարել է Իրանի ԱԳ փոխնախարար Աբբաս Արաղչին, փոխանցում է Tasnim գործակալությունը։
Նա հայտարարել է, որ Լեռնային Ղարաբաղի հակամարտության կարգավորման իրանական ծրագիրը հիմնված է իրատեսության, տարածաշրջանային մոտեցման ու տարածաշրջանի ազդեցիկ պետությունների միջնորդական մասնակցության վրա։
«Իրանի նախաձեռնած կարգավորումը հիմնված է տարածաշրջանային համագործակցության վրա ու միտված է օգնել հակամարտող կողմերին՝ հասնել իրենց պահանջներին։ Իրանի նախաձեռնությունը բարի կամքի դրսևորում է, այն ուղղված է մարդկային և ոչ մարդկային կորուստներին վերջ դնելուն»,- հավելել է նա։
Արաղչին նաև նշել է, որ իրանական նախաձեռնությունը հաջողության կհասնի, եթե բոլոր կողմերը դրսևորեն բարի կամք և եթե կանխվի տարածաշրջանից դուրս գործող ուժերի միջամտությունը, որը միտված է վնասել տարածաշրջանային կապերը։
Տաթև Ֆռանգյան
