16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Բաքվում կարծում են, որ Իրանը ևս իրավունք ունի մասնակցելու ԼՂ հակամարտության կարգավորմանը
Քաղաքականություն
30.10.2020 | 11:37
Իրանը կարող է ապագայում իր ներդրումն ունենալ ղարաբաղյան հակամարտության կարգավորման գործում։ Այս մասին ՌԻԱ Նովոստիին տված հարցազրույցում ասել է Ադրբեջանի նախագահի օգնական Հիքմեթ Հաջիևը։
«Իրանը, որպես տարածաշրջանային գերտերություն, որպես տարածաշրջանային պետություն ևս շահագրգռված է խաղաղության ու անվտանգության ապահովման հարցում։ Այս պատճառով էլ Իրանը ևս իրավունք ունի մասնակցելու Հարավային Կովկասում խաղաղության ու անվտանգության ապահովման այդ գործընթացին։ Միգուցե ապագայում կլինեն ինչ-որ մեխանիզմներ, կոնտակտային խմբեր այս գործընթացի շրջանակում։ Իրանը կարող է իր ներդրումն ունենալ հակամարտության կարգավորման հարցում»,- հայտարարել է Հաջիևը։
Նա հավելել է, որ Իրանի ԱԳՆ ղեկավարի այցն Ադրբեջան եղել է արդյունավետ։
Տաթև Ֆռանգյան
