18.11.2024 | 15:42
Անընդունելի է․ Կրեմլը՝ ռուս-ուկրաինական պատերազմի սառեցման Էրդողանի ծրագրի մասին
Զոհրաբ Մնացականյանը՝ ԼՂ կարգավորմանը ՀԱՊԿ-ի մասնակցության անհրաժեշտության մասին
Քաղաքականություն
29.10.2020 | 19:13
Հայաստանը շարունակում է սերտ խորհրդակցությունները ՀԱՊԿ-ի հետ։ ՌԻԱ Նովոստիին տված հարցազրույցում այս մասին ասել է ՀՀ ԱԳ նախարար Զոհրաբ Մնացականյանը։
Ռուսական լրատվական գործակալության հարցին՝ Հայաստանն անհրաժեշտ համարո՞ւմ է այս փուլում ԼՂ հակամարտության կարգավորմանը ՀԱՊԿ-ի մասնակցությունը, Զոհրաբ Մնացականյանը պատասխանել է․ «Հայաստանը շարունակում է սերտ խորհրդակցությունները ինչպես ՀԱՊԿ-ի, այնպես էլ ՀԱՊԿ անդամ առանձին երկրների հետ, և իր դաշնակիցներին տեղեկացնում է «գետնի վրա» իրադրությանը»։
Լեռնային Ղարաբաղի հակամարտության գոտի Թուրքիայի տարածքով սիրիացի զինյալների նոր խմբի տեղափոխման մասին տեղեկությունների կապակցությամբ էլ ԱԳ նախարարն ասել է, որ այդ մասին փաստացի ապացույցներ կան։
«Թուրքիայի կողմից Սիրիայից և Լիբիայից օտարերկրյա զինյալ-ահաբեկիչների շարունակվող տեղափոխման անհերքելի փաստացի ապացույցներ կան։ Դա հաստատվում է ԵԱՀԿ Մինսկի խմբի համանախագահ երկրների հետախուզական տվյալներով և հենց հակամարտության գոտուց ռեպորտաժներով»,- հավելել է նա։
