10.06.2026 | 15:32
«Ռեալը» հաստատել է, որ 150 միլիոն եվրո է առաջարկել Խուլիան Ալվարեսի համար
Մերձավոր Արևելքում ու Հյուսիսային Աֆրիկայում բողոքի ցույցեր՝ ընդդեմ Մակրոնի
Քաղաքականություն
27.10.2020 | 12:13
Իրաքում, Սիրիայում, Պաղեստինում, Հորդանանում և Մարոկկոյում հազարավոր մարդիկ փողոց են դուրս եկել ընդդեմ Ֆրանսիայի նախագահ Էմանուել Մակրոնի՝ մահմեդականների վերաբերյալ նրա հայտարարությունից հետո։ Ցուցարարները ծաղրանկարներ են թափահարել ու այրել են Ֆրանսիայի առաջնորդի լուսանկարը, հաղորդում է «Զվեզդա»-ն։
Այս իրադարձություններից անմիջապես առաջ Թուրքիայի նախագահ Ռեջեփ Թայիփ Էրդողանը թուրքերին կոչ էր արել բոյկոտել ֆրանսիական ապրանքները՝ ի պատասխան Մակրոնի նույնանման հայտարարության։
Հիշեցնենք, որ երկու երկրների ղեկավարների միջև լարվածությունը սրվել է այն բանից հետո, երբ Փարիզի մերձակայքում Մուհամմեդ մարգարեի ծաղրանկարը ցույց տալու համար դաժանորեն սպանեցին պատմության ուսուցչին։
Ֆրանսիայի նախագահը տեղի ունեցածն ահաբեկչություն է որակել ու առաջարկել կառուցել իսլամի նոր, լուսավոր տեսակ, սակայն Էրդողանը քննադատել է իր ֆրանսիացի գործընկերոջը՝ իբրև թե մահմեդականների հանդեպ բացասական վերաբերմունքի համար։
Տաթև Ֆռանգյան
