08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
ԱԻ փոխնախարարի կոչը ՀՀ բեռներ ուղարկող սփյուռքի մեր հայրենակիցներին. ՏԵՍԱՆՅՈՒԹ
26.10.2020 | 22:14
Սփյուռքից եկած յուրաքանչյուր բեռ ուղարկվում է Արցախ` ըստ անհրաժեշտության։ Այս մասին այսօր՝ հոկտեմբերի 26-ին տեղի ունեցած ասուլի ժամանակ ասաց Արտակարգ իրավիճակների նախարարի տեղակալ Արմեն Փամբուխչյանը՝ ներկայացնելով այլ երկրներից եկող բեռների ընդունման և բացթողման կազմակերպչական աշխատանքները։
«Ցանկացած բեռ, որը գալիս է Հայաստան, հանձնվում է պետությանը։ Այն տանում ենք ԱԻՆ-ի պահեստ, տեսակավորում ենք և առանձնացնում ենք բեռները՝ ըստ նշանակության: Բեռների մեջ հիմնականում լինում են առողջապահական, պաշտպանության նշանակության իրեր, ինչպես նաև սնունդ կամ հագուստ։ Այն առանձնացվում է և ուղարկվում է առաջին հերթին Արցախ՝ առաջնագծում զինվորներին և ապաստարաններում գտնվող քաղաքացիներին, ինչպես նաև այդ սննդի ինչ-որ մի մաս բաժին է հասնում Արցախից ժամանակավոր Հայաստան ժամանած քաղաքացիներին»,- ասաց Փամբուխչյանը։
Նա նաև նշեց, այն դեպքերում, երբ քաղաքացիները հստակ հասցեատիրոջն են ցանկանում բեռը ուղարկել, ապա պետք է նախօրոք ԱԻՆ-ն այդ մասին տեղեկացվի։
«Համայնքը մեզ նախօրոք պետք է տեղյակ պահի , որ ինքը ունի x քանակի սննդի կարիք, որպեսզի այդ սնունդը ԱԻՆ-ի պահեստից կարողանանք տրամադրել տվյալ համայնքին»,- նշեց ԱԻ նախարարի տեղակալը։
Փամբուխչյանը կոչ արեց Սփյուռքում ապրող հայրենակիցներին՝ վստահել և հավատալ պետական կառույցներին և շարունակել օգնություն տրամադրել Հայաստանին։
Մանրամասները՝ տեսանյութում:
