28.08.2026 | 20:26
Փաշինյանը դիվանագետներին ներկայացրել է Հայաստանի արտաքին քաղաքականության առաջնահերթություններն ու առաջիկա ծրագրերը
Ընդդեմ Ռուսաստանի ատելություն է սերմանվում․ Մոսկվայի պատասխանը Բայդենին
Քաղաքականություն
26.10.2020 | 18:21
Ռուսաստանի իշխանությունները համաձայն չեն ԱՄՆ նախագահի թեկնածու Ջո Բայդենի այն պնդումների հետ, թե ՌԴ-ն ԱՄՆ-ի համար գլխավոր սպառնալիքն է հանդիսանում։ Այս մասին այսօր լրագրողներին հայտնել է ՌԴ նախագահի խոսնակ Դմիտրի Պեսկովը, գրում է «Վեդոմոստի»-ն։
«Այդպես չէ, մենք դրա հետ բացարձակապես համաձայն չենք։ Մենք կարող ենք միայն ափսոսալ, որ նման կերպով ընդդեմ Ռուսաստանի ատելություն է սերմանվում, և որ մեր երկիրը ներկայացվում է որպես թշնամի։ Դա այդպես չէ»,- ընդգծել է Պեսկովը։
Ավելի վաղ Դեմոկրատական կուսակցությունից ԱՄՆ նախագահի թեկնածու Ջո Բայդենը CBS News-ին տված հարցազրույցում հայտարարել էր, թե Ռուսաստանն ԱՄՆ համար գլխավոր սպառնալիքն է։ Իսկ որպես ԱՄՆ գլխավոր մրցակից նա անվանել է Չինաստանը։
Հիշեցնենք, որ ԱՄՆ-ում նախագահական ընտրությունները տեղի են ունենալու նոյեմբերի 3-ին։
Տաթև Ֆռանգյան
