12.10.2026 | 13:27
Չնչին ուշացում կարող ենք ունենալ․ Թևոսյանը՝ Արին-Բերդի փողոցում աշխատանքների մասին․ ՏԵՍԱՆՅՈՒԹ
Պատահական չէ, որ թշնամին հարձակվեց համավարակի ժամանակահատվածում. ԱՆ աշխատակցի կոչը. ՏԵՍԱՆՅՈՒԹ
23.10.2020 | 22:19
Այսօր պատերազմ ենք մղում. բժիշկներն այսօր պայքարում են երկու ճակատում՝ ռազմաճակատում և նոր կորոնավիրուսի ճակատում: Մեր ամբողջ ներուժը և ծախսերը պետք է ուղղվեն դեպի ռազմի ճակատ, ինչը նշանակում է, որ պետք է հնարավորն անել նոր կորոնավիրուսի տարածումը կանխելու համար: Այս մասին ասուլիսում ասաց անեսթեզիոլոգ-ռեանիմատոլոգ Լիլիթ Մուսեյանը:
«Վարակվածները դուրս են մնում հայրենիքի համար մղվող պայքարից, դուրս են մնում նաև վարակիչ և վարակված լինելու մեջ կասկածվողները, ի վերջո, մենք վարակը կարող ենք փոխանցել սահմաններում մարտնչողներին, պետք է առողջ լինեն մեր հայրենիքի համար մարտնչողները: Պատահական չէ, որ թշնամին մեզ վրա հարձակվելու համար ընտրել է համաճարակային ժամանակաշրջանը, նա իրեն դաշնակից է ընտրել կորոնավիրուսը, հաղթելով նրա դաշնակցին՝ մենք կթուլացնենք հենց իրեն և կմոտեցնենք հաղթանակը: Առաջին հերթին, մենք ինքներս պետք է լինենք կարգապահ և խստապահանջ մյուսների նկատմամբ»,- ասաց Լիլիթ Մուսեյանը՝ կոչ անելով հետևել համավարակի կանխարգելման կանոններին:
Մանրամասները՝ տեսանյութում:
