10.06.2026 | 17:31
ԱՄՆ Կոնգրես Ադրբեջանում պահվող հայ գերիների ազատ արձակման վերաբերյալ նախագիծ է ներկայացվել
Human Rights Watch-ը կրկին հաստատում է՝ Արցախի ուղղությամբ կիրառվում են արգելված կասետային զինատեսակներ
Հասարակություն
23.10.2020 | 12:30
Ուրախ եմ տեսնել, որ Human Rights Watch-ը արհեստավարժորեն և օբյեկտիվորեն փաստագրեց Արցախում Ադրբեջանի կողմից իրականացված ռազմական հանցագործությունների մի մասը:
Քաղաքացիական բնակչության դեմ կասետային զինամթերքի լայնածավալ և նպատակային օգտագործման վերաբերյալ կան բազմաթիվ ապացույցներ և վկաներ:
Այս մասին ֆեյսբուքյան իր էջում գրել է ԱՀ ՄԻՊ Արտակ Բեգլարյանը՝ տեղադրելով Human Rights Watch-ի նոր զեկույցը:
Զեկույցում նշվում է, որ Human Rights Watch- ը փաստագրել է չորս դեպք, երբ Ադրբեջանը կասետային զինամթերք է օգտագործել Արցախի ուղղությամբ:
«Կլաստերային զինամթերքի շարունակական օգտագործումը, հատկապես բնակեցված բնակավայրերում, ցույց է տալիս, որ անտեսվում է քաղաքացիական անձանց անվտանգությունը», – ասել է Սթիվեն Գուսը՝ Human Rights Watch- ի սպառազինության բաժնի տնօրեն և Կլաստերային (կասետային) զինամթերքի կոալիցիայի նախագահը: «Կլաստերային զինամթերքը երբեք չպետք է որևէ մեկի կողմից օգտագործվի ոչ մի պարագայում, առավել եւս քաղաքներում ՝ քաղաքացիական անձանց համար կանխատեսելի և անընդունելի վնասի պատճառով»,-շեշտել է նա:
Զեկույցում նշվում է, որ Ադրբեջանը կոպտորեն խախտում է միջազգային իրավունքի նորմեր՝ նպատակաուղղված թիրախավորելով բնակչությանն ու սրելով պատերազմը:
