28.04.2026 | 10:05
Արտարժույթների փոխարժեքները՝ ապրիլի 28-ի դրությամբ
ԼՂ-ում հրադադարի ռեժիմը վերահսկելու մեխանիզմի համաձայնեցման շուրջ դեռևս աշխատանք չի տարվում․ Զախարովա
Քաղաքականություն
15.10.2020 | 18:45
Լեռնային Ղարաբաղում հրադադարի ռեժիմը վերահսկելու մեխանիզմի համաձայնեցման շուրջ դեռևս աշխատանքներ չեն տարվում։ Այս մասին ամենշաբաթյա ճեպազրույցի ժամանակ ասել է ՌԴ ԱԳՆ պաշտոնական ներկայացուցիչ Մարիա Զախարովան, փոխանցում է ՏԱՍՍ-ը։
«Մեր հիմնական ուղերձն այն է, որ անհրաժեշտ է անհապաղ հանդիպում կազմակերպել զինվորականների գծով, համաձայնեցնել հրադադարի ռեժիմի վերահսկողության մեխանիզմը: Մենք հուսով ենք, որ հնարավորինս շուտ կգործարկվի նման մեխանիզմ»,- ասել է նա:
Զախարովայի խոսքով՝ Ռուսաստանը ելնում է այն հանգամանքից, որ հակամարտության քաղաքական կարգավորումը հնարավոր է և անհրաժեշտ։
«Առաջարկները, որ մշակել ու շարունակում են մշակել ԵԱՀԿ Մինսկի խմբի համանախագահները, մնում են բանակցային սեղանին։ Դրանք բովանդակությունը հայտնի է՝ համապատասխան շրջանների փուլային, աստիճանական ազատում՝ անվտանգության երաշխիքների պահպանմամբ, Հայաստանի և Ղարաբաղի միջև հուսալի կապի ապահովում՝ մինչև որոշվի դրա վերջնական կարգավիճակը»,- ասել է Մարիա Զախարովան։
