01.07.2026 | 12:20
Ռուսական զորքերն Ուկրաինայի Դնեպրոպետրովսկի մարզում բենզալցակայանների են հարվածել․ կին է զոհվել
ԼՂ-ում դիտորդների տեղակայումը հնարավոր կլինի միայն Հայաստանի ու Ադրբեջանի համաձայնությամբ․ Պեսկով
Քաղաքականություն
15.10.2020 | 16:18
Լեռնային Ղարաբաղի հակամարտության գոտում խաղաղապահների կամ դիտորդների տեղակայումը հնարավոր կլինի միայն Ադրբեջանի ու Հայաստանի համաձայնությամբ։ Այս մասին լրագրողներին ասել է ՌԴ նախագահի մամուլի քարտուղար Դմիտրի Պեսկովը՝ մեկնաբանելով Սերգեյ Լավրովի՝ նման միջոցների հնարավորության մասին հայտարարությունը, գրում է ՏԱՍՍ-ը։
«Այստեղ առաջնային հարցն այն է, թե ինչպես են սրան վերաբերվում պատերազմող կողմերը՝ Հայաստանն ու Ադրբեջանը։ Խաղաղապահների, դիտորդների կամ ցանկացած այլ բանի տեղադրումը հնարավոր է միայն երկու կողմի համաձայնությամբ»,- ասել է Կրեմլի ներկայացուցիչը՝ հավելելով, որ կողմերը դեռևս չեն պատասխանել այդ հարցին։
Պեսկովը չի մեկնաբանել հարցը՝ արդյո՞ք հաջողվել է ռուսական կողմին ստուգել Հայաստանում ռազմական օբյեկտներից մեկի ոչնչացման մասին ավելի վաղ հայտնված տեղեկությունները։
«Այդ հարցը պետք է զինվորականներին ուղղել։ Այն նախ և առաջ վերաբերում է ռազմական գերատեսչությանը»,- ասել է նա։
Տաթև Ֆռանգյան
