19.05.2026 | 21:50
Հրդեհի ահազանգ Մասիս քաղաքում․ ըստ նախնական տվյալների՝ կան երկու զոհ և երկու տուժած
14 դատավոր է առաջադրվել Վճռաբեկ դատարանի նախագահի պաշտոնի համար
Քաղաքականություն
13.10.2020 | 14:12
ՀՀ Վճռաբեկ դատարանի նախագահի թափուր պաշտոնի համար առաջադրվել է Վճռաբեկ դատարանի 14 դատավոր։ Այս մասին Factor.am-ին հայտնեցին ԲԴԽ աշխատակազմի մամուլի ծառայությունից։
Դատական դեպարտամենտի կազմած ցուցակում, ըստ դատական օրենսգրքի 135-րդ հոդվածի 1-ին մասի, չեն ներառվել երկուսը՝ Էդգար Սեդրակյանը՝ օրենքով սահմանված ստաժի բացակայության պատճառով և Ստեփան Միքայելյանը, քանի որ վերջինս ընտրվել է ԲԴԽ անդամ։ Բարձրագույն դատական խորհուրդը պետք է նիստ գումարի ու գաղտնի քվեարկությամբ ընտրի Վճռաբեկ դատարանի նախագահի թեկնածուին։
ԲԴԽ-ն ընտրված թեկնածուին մինչև հոկտեմբերի 18-ը կներկայացնի Ազգային ժողով, որն էլ փակ գաղտնի քվեարկությամբ կընտրի Վճռաբեկ դատարանի նախագահին։
Նշենք, որ Վճռաբեկ դատարանի նախկին նախագահ Երվանդ Խունդկարյանի՝ ՍԴ դատավոր ընտրվելուց հետո Վճռաբեկ դատարանում թափուր է մնացել ոչ միայն նախագահի, այլև Վճռաբեկ դատարանի քաղաքացիական պալատի դատավորի տեղը, քանի որ Երվանդ Խունդկարյանը, բացի դատարանի նախագահ լինելուց, նաև քաղաքացիական պալատի դատավոր է։ Այս տեղի համար առաջադրված թեկնածուների վերաբերյալ տեղեկություններ առայժմ չկան։
Անժելա Պողոսյան
