19.05.2026 | 23:56
Հայաստանի մի շարք հասցեներում էլեկտրաէներգիայի անջատումներ կլինեն
Ալեն Սիմոնյանի և Հրաչ Հակոբյանի լուսանկարն արդեն վերաբերմունք է. Դավիթ Խաժակյան. ՏԵՍԱՆՅՈՒԹ
Քաղաքականություն
16.09.2020 | 14:51
Ազգային ժողովում այսօր ներկայացվել է «Լուսավոր Հայաստան» խմբակցության հարցադրումը՝ ուղղված ԿԳՄՍ նախարար Արայիկ Հարությունյանին։ ԱԺ շենքի մոտ կազմակերպված ակցիայի ժամանակ լրագրողների հետ զրույցում ասաց Երևանի ավագանու «Լույս» խմբակցության ղեկավար Դավիթ Խաժակյանը։
«Պայմանավորված նաև այն իրավիճակով, ինչ տիրում է Հարությունյանի համակարգած ոլորտներում, ԼՀԿ-ի համապատասխան նախաձեռնությամբ իրականացվելու է քվեարկություն Արայիկ Հարությունյանի հրաժարականի պահանջով»,- ասաց նա։
Դավիթ Խաժակյանը նշեց, թե Արայիկ Հարությունյանի պաշտոնավարումից առ այսօր բոլոր ոլորտներում ձախողումների շքերթ է։
«Կրթության ոլորտում հեղափոխություն չկա, ու մենք անհրաժեշտ ենք գտել Արայիկ Հարությունյանի հրաժարականի պահանջը, և եթե «Իմ քայլը» խմբակցությունը չի առաջնորդվում մեկ կենտրոնից հնչող տեսակետներով, այլ իսկապես գնահատում է ոլորտի ձախողումները, ապա այդ դեպքում պետք է համաձայնի ու հրաժարականը տեղի ունենա»,- հավելեց Խաժակյանը։
Նա ասաց՝ եթե Արայիկ Հարությունյանի փոխարեն լիներ ոչ կուսակցական, ապա մի քանի անգամ արդեն հրաժարական ներկայացրած կլիներ։
Խաժակյանն ասաց նաև, որ Արայիկ Հարությունյանի հրաժարականի պահանջ չի լինի, քանի որ Նիկոլ Փաշինյանն է այդպես ուզում, մինչդեռ, նրա խոսքով, ոլորտի մասնագետները շարունակում են տառապել։
Մանրամասները՝ տեսանյութում:
