01.07.2026 | 02:54
ԱԱ-2026. Ֆրանսիան խնդիրներ չունեցավ, Մբապեի դուբլը. ՏԵՍԱՆՅՈՒԹ
«Ո՛չ վարկային թալանին» նախաձեռնության անդամները նստել են Կառավարության շենքի դիմաց. ՏԵՍԱՆՅՈՒԹ
Հասարակություն
10.09.2020 | 12:24
Այսօր՝ սեպտեմբերի 10-ին «Ո՛չ վարկային թալանին» նախաձեռնության անդամները, որոնց պայքարը վաշխառու կազմակերպությունների և բանկային համակարգի դեմ է, Կառավարության շենքի դիմաց բողոքի ակցիա են իրականացնում:
Նրանք ցանկանում էին նստացույց իրականացնել, սակայն ոստիկանները ակցիայի մասնակիցներին թույլ չէին տալիս նստել աստիճաններին:
«Ժողովո՛ւրդ ջան, արձանագրեք, որ մեզ թույլ չեն տալիս հանրային տարածք հանդիսացող աստիճաններին նստել, վարչապետն ինքն է ասել, որ սա ժողովրդի տարածքն է և պատկանում է ժողովրդին»,- ասաց ակցիա մասնակիցներից մեկը, ինչին ի պատասխան՝ Ոստիկանության ծառայողը նշեց, որ ոչ ոք չփորձի ոստիկանական շղթան անցնել, եթե ցանկանում են նստել, ապա ոստիկանական շղթայից հեռու:
Ակցիայի մասնակիցներին, ամեն դեպքում, հաջողվեց նստացույց իրականացնել Կառավարության շենքի դիմաց: Ակցիայի կազմակերպիչները կոչ արեցին ժողովրդին միահամուռ կերպով միանալ նստացույցին:
«Եթե վարչապետը պետք է մեզ արհամարհի գնա, ապա թող արհամարհի, մնալու ենք այստեղ նստած, սպասելու ենք Նիկոլ Փաշինյանին»,- հայտարարեց բողոքի ակցիայի մասնակիցներից մեկը:
Մանրամասները՝ տեսանյութում:
