16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Տոկիոյի Օլիմպիական խաղերը կկայանան՝ անկախ կորոնավիրուսից․ japantimes
07.09.2020 | 19:16
Տոկիոյի 2020 թվականի Օլիմպիական խաղերը, որոնք մարտին կորոնավիրուսի պատճառով հետաձգվել էին, տեղի կունենան հաջորդ տարի ՝ անկախ համավարակից։ Այս մասին հայտնում է japantimes-ը՝ հղում անելով Միջազգային օլիմպիական կոմիտեի փոխնախագահ Ջոն Քոթսին։
«Խաղերը տեղի կունենան COVID-ի հետ կամ առանց դրա։ Դրանք կմեկնարկեն հաջորդ տարվա հուլիսի 23-ին»,- ասել է Քոթին։ Նրա խոսքով՝ այս տարվա խաղերը, որոնք կորոնավիրուսի պատճառով հետաձգվեցին, 2011-ին Ճապոնիայում տեղի ունեցած աղետալի երկրաշարժին և ցունամիին վերաբերող խորագրով պետք է լինեին:
Աղբյուրի փոխանցմամբ՝ ճապոնացի պաշտոնյաները պարզաբանել են, որ խաղերը երկրորդ անգամ չեն հետաձգվի: «Այս խաղերը կլինեն լույս՝ թունելի վերջում, դրանք COVID-ը հաղթած խաղեր կլինեն»,- հավելել է Միջազգային օլիմպիական կոմիտեի փոխնախագահը։
Հավելենք, որ ըստ COVID-19-ի համաշխարհային վիճակագրությունը ներկայացնող worldometers․info կայքի՝ Ճապոնիայում վարակման հաստատված դեպքերը 71․419-ի են հասել, որից 7․986-ը՝ ակտիվ։ Մինչ օրս Ճապոնիայում կորոնավիրուսից 1․357 մահ է գրանցվել։
Նելլի Մելքոնյան
