15.12.2024 | 17:40
Հրշեջները մարել են Արշակունյաց պողոտայի հյուրանոցներից մեկում բռնկված հրդեհը
Աղբ՝ առանց աղբահոտի. տեսակավորված աղբի համար աղբամանները կտեղադրվեն մինչև տարեվերջ․ ՏԵՍԱՆՅՈՒԹ
Հասարակություն
04.09.2020 | 20:15
Թուղթ, պլաստիկ, տոպրակով այլ աղբ։ Բոլորը մեկում՝ մեկ աղբամանում։ Քաղաքապետարանն ասում է՝ շուտով այսպես չի լինելու։ Սկզբում մի քանի վարչական շրջանում, հետո արդեն ամբողջ Երևանում տեղադրվելու են առանձին աղբամաններ, որ մարդիկ տանը աղբը տեսակավորեն և այնուհետև նետեն աղբաման:
Այդպիսի աղբամաններ քաղաքում տեղադրելը երկրորդ փուլն է այն ծրագրի, որ սկսել է քաղաքապետարանի «Կանաչապատում և շրջակա միջավայրի պահպանություն» ՀՈԱԿ-ը։ Մինչ այդ, պետք էր պայմանավորվել տնտեսվարողների և թափոններ վերամշակողների հետ։ Թափոնների տեսակավորման վարչության պետ Հայկ Հովհաննիսյանը մի քանի ամսվա կատարած աշխատանքի արդյունքներից գոհ է։ Հիմա ժամանակն է երկրորդ, այսինքն՝ աղբամանները տեղադրելու փուլին անցնելու։ Հայկ Հովհաննիսյանը վստահեցնում է՝ այդ աղբամաններն ավելի ակնահաճո և գեղեցիկ են լինելու, քան օրեր առաջ տարածված լուսանկարում էր։
Սա Երևանը աղբից ազատելու առաջին քայլն է, մինչև նաև կոշտ թափոնների վերամշակման գործարան կունենանք։
Հայաստանում 354 աղբավայր կա, իսկ դա նշանակում է, որ 70 տարբեր վտանգավոր նյութեր, որոնք կարող են ամենատարբեր հիվանդություններ առաջացնել՝ քաղցկեղից մինչև ասթմա, արտանետվում են մթնոլորտ, երբ աղբը, հատկապես՝ պլաստմասսայե իրերը, այրվում են:
Աշխարհում ելքը գտել են՝ օգտակարը համատեղելով շահավետի հետ։ Խոսքն աղբի վերամշակման մասին է, որը պահանջարկ ունեցող բիզնես է դարձել: Բացի բնապահպանական նշանակությունից՝ թղթի, պլաստիկի և այլ թափոնների վերամշակումից ստացված նյութերն էժան երկրորդային հումք են դառնում, իսկ աղբի այրումից ստացված էլեկտրաէներգիան այն դարձնում է նաև էժան էներգակիր: Հայաստանում ևս այդ բիզնեսը սկսել է զարգանալ՝ դեռ փոքր քայլերով։
Մանրամասները՝ տեսանյութում։
Իրինա Մկրտչյան
