19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
16 տարեկանից սկսած սեփական ընտրությունը կատարելու իրավունքը պետք է ճանաչվի․ դա դե ֆակտո կա․ Սաքունց. ՏԵՍԱՆՅՈՒԹ
Հասարակություն
21.08.2020 | 13:40
Ընտրական բարեփոխումների հանձնաժողովը քննարկում է նաև ընտրական իրավունքի տարիքային շեմի փոփոխության հարցը։ Այս մասին այսօր Ընտրական օրենսգրքի փոփոխությունների վերաբերյալ քննարկման ժամանակ ասաց Ընտրական բարեփոխումների հանձնաժողովի անդամ, ԻՔՄ գրասենյակի ղեկավար Դանիել Իոաննիսյանը։
Վերջինիս խոսքով՝ տարբերակներից մեկն այն է, որ ընտրական իրավունք տրվի 16 կամ 17 տարին լրացած անձանց։ Հելսինկյան քաղաքացիական նախաձեռնության Վանաձորի գրասենյակի ղեկավար Արթուր Սաքունցը դրական է գնահատում այս տարբերակը․ «16 տարեկանից ընտրական իրավունքի ճանաչումը և ընտրելու իրավունքը ոչ միայն մեխանիկական գործողություն է, այլև մտածողության փոփոխություն է։ Երբ պետությունն ասում է, որ դուք ընտրելու իրավունք ունեք, ինքն ընդհանրապես փոխում է անձի նկատմամբ վերաբերմունքը։ Ընտրական իրավունքի զարգացումը հանրային մտածելակերպի փոփոխության և հետևանքն է, և նաև ազդելու է հանրային մտածողության վրա։ Կարծրատիպերի և տարբեր նախապաշարմունքների ձև է եղել։ Այս առումով, ես համաձայն չեմ այն մտքի հետ, որ կարող է ճնշման տակ քվեարկեն։ Հիմա էլ, նայած ընտանիքի դրվածքին, կարող է մեծը ասի՝ փոքրից մեծ գնում եք, ընտրում եք այս մեկին։ Բայց թավշյա հեղափոխության, տարբեր քաղաքացիական շարժումների շատ երիտասարդներ նույնիսկ հակադրվել են ծնողներին։ Չեն կարող հաշվի չառնել»,- նշեց Սաքունցը։
Վերջինիս խոսքով՝ հասել է այն պահը, որ 16 տարեկանից սկսած ճանաչողությունը, աշխարհաճանաչողությունը և սեփական ընտրությունը կատարելու իրավունքը պետք է ճանաչվի․ «Այն, ինչը որ դե ֆակտո կա, դե յուրե ամրապնդելու մասին է խոսքը։ Մարդիկ ի հակառակ ծնողներին մասնակցում էին, չէ՞ ցույցերին։ Իհարկե շատերն ասում էին՝ երեխաներին ներգրավել են։ Ոչ մեկն էլ երեխաներին չէր ներգրավել, երեխաներն իրենք էին այդ քայլերը կատարում, և ոչ միայն Հայաստանում»,- նշեց Սաքունցը։
Մանրամասները՝ տեսանյութում։
