12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Եթե արտակարգ դրությունը չեղարկենք, 2 շաբաթ հետո կունենանք 400-500 դեպքեր․ Ավինյան. ՏԵՍԱՆՅՈՒԹ
12.08.2020 | 18:22
Արտակարգ դրության ռեժիմը չեղարկելու պարագայում որևէ կարգավորում դիմակների մասով, տարբեր տնտեսվարողների մոտ իրականացվող կանոնների մասով չենք ունենալու։ Այս մասին այսօր Ազգային ժողովի հատուկ նիստին ասաց ՀՀ գլխավոր պարետ Տիգրան Ավինյանը՝ անդրադառնալով «Լուսավոր Հայաստան» խմբակցության կողմից առաջարկված արտակարգ դրությունը վերացնելու վերաբերյալ նախագծին։
«Ես ձեզ վստահեցնում եմ՝ եթե մենք վերադառնանք մի փոքր ավելի մեծ տեղաշարժի, մենք օրական գրանցվող 200 դեպքի փոխարեն 2 շաբաթ հետո կունենանք 400-ից 500 դեպք։ Այո, առողջապահական համակարգը կարողացել է սպասարկել ՀՀ բոլոր քաղաքացիներին, այո, ունեցել ենք ծանր, ծանրագույն օրեր՝ 1-2 օր, երբ իրականում ամենածայրին էինք։ Հետո, իհարկե, առողջապահական համակարգն ընդլայնվեց, և մենք է՛լ ավելի մարդ կարող էինք սպասարկել։ Բայց առողջապահական համակարգի առջև դրված խնդիրը չէ միայն, որ մենք պետք է լուծենք։ Մենք պետք է հնարավորինս համաճարակային իրավիճակը նվազեցնենք, և այս սահմանափակումները դրված են դրա համար»,- նշեց Ավինյանը։
Մանրամասները՝ տեսանյութում։
