19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
Մոտ 7 միլիոն հաղորդագրություն հեռացվել է Facebook-ից` կորոնավիրուսի մասին կեղծ տեղեկություն տարածելու համար
12.08.2020 | 17:33
Երեկ Facebook-ի ղեկավարությունը հայտնել է, որ այս տարվա երկրորդ եռամսյակում սոցցանցից հեռացրել են շուրջ 7 միլիոն գրառում` նոր կորոնավիրուսի, ինչպես նաև վարակի կանխարգելման և բուժման մեթոդների մասին կեղծ տեղեկություն տարածելու համար, հայտնում է Reuters-ը:
Ըստ աղբյուրի՝ նույն ժամանակահատվածում աշխարհի ամենամեծ սոցիալական ցանցը ջնջել է մոտ 22,5 միլիոն ատելության խոսք պարունակող հաղորդագրություն և ևս 8,7 միլիոն հաղորդագրություն «ահաբեկչական» կազմակերպությունների մասին:
Ապրիլից տեղադրված հաղորդագրությունների բովանդակությունը ստուգելու համար ընկերությունը ավելի շատ ապավինել է ավտոմատացված տեխնոլոգիաներին, քանի որ կորոնավիրուսի տարածման պատճառով ընկերության գրասենյակներում ավելի քիչ աշխատողներ են եղել: Այդ պատճառով էլ ավելի քիչ միջոցներ են ձեռնարկվել ինքնավնասման և երեխաների սեռական շահագործմանը վերաբերող հաղորդագրությունները հեռացնելու ուղղությամբ:
Ընկերությունը ավելացրել է, որ ընդլայնում է իր՝ ատելության խոսքի դեմ քաղաքականությունը`ներառելով «սևամորթների կամ հրեաների վերաբերյալ կարծրատիպեր պարունակող բովանդակությունը»:
