01.07.2026 | 09:48
ՄԻՊ-ը կարևորում է ընտրելու իրավունքի սահմանափակման նախագծերի շուրջ հանրային քննարկումները
Ղազախստանի առողջապահության նախարարը վարակվել է կորոնավիրուսով․ երկրի վարչապետն ինքնամեկուսացել է
Քաղաքականություն
14.06.2020 | 19:25
Ղազախստանի առողջապահության նախարար Ելժան Բիրտանովը վարակվել է կորոնավիրուսով։ Նա հոսպիտալացվել է ինֆեկցիոն հիվանդանոց։ Այս մասին հաղորդում է «Sputnik Kazakhstan»-ը՝ վկայակոչելով նախարարի ֆեյսբուքյան գրառումը։
«Ընկերներ, ցավոք, ստիպված եմ տհաճ լուր հաղորդել, կորոնավիրուսի իմ վերջին թեստի արդյունքը դրական է։ Ցավոք, ասիմպտոմ չէ, այդ պատճառով հոսպիտալացվել են ինֆեկցիոն հիվանդանոցումոսպիտալում»,- նշել է Բիրտանովը։
Նախարարը դիմել է քաղաքացիներին՝ խնդրելով հետևել «անձնական կարանտինին» և կանխարգելման խորհուրդներին։
«Եթե զգաք վաղ ախտանշաններ՝ թուլություն, գլխացավ, ջերմություն, անհապաղ դիմեք բժշկի»,- հավելել է նա։
Միաժամանակ, Tengrinews.kz-ի փոխանցմամբ, երկրի վարչապետ Ասկար Մամինն ինքնամեկուսացել է։ Նշվում է, որ հունիսի 12-ին նա առողջապահության նախարարի հետ աշխատանքային այցով մարզերից մեկում է եղել։ Նա արդեն թեստավորվել է, պատասխանը բացասական է եղել։
Ղազախստանում կորոնավիրուսով վարակվածների թիվը, ընդհանուր առմամբ, 14.496 է, 73 մահ է արձանագրվել։
