19.09.2026 | 12:12
ԱՄՆ-ը Դանիայի և Գրենլանդիայի հետ համաձայնագիր է կնքել՝ կղզու անվտանգության նկատմամբ «մշտական վերահսկողության» մասին․ Թրամփ
«Ֆիրդուսի՝ Ուս ուսի». ակցիա՝ Երևանի քաղաքապետարանի դիմաց
Քաղաքականություն
13.06.2020 | 16:24
Երևանի քաղաքապետարանի դիմաց մի խումբ քաղաքացիներ այսօր բողոքի ակցիա են իրականացնում՝ Ֆիրդուսի թաղամասում շինաշխատանքների հարցով։ Միաժամանակ այս պահին քաղաքապետարանի ներսում շարունակվում է ավագանու երկու հանձնաժողովների համատեղ արտահերթ նիստը՝ նույն խնդրով։
Քաղաքացիները «Հեղափոխվեք» և այլ գրառումներով պաստառներով իրենց կոչն են փոխանցում քաղաքային իշխանություններին։ Բողոքի ակցիան ընթանում է «Ֆիրդուսի՝ Ուս ուսի» խորագրի ներքո։
Նշենք, որ Ֆիրդուսի թաղամասի հարցով նիստը հրավիրվել է ավագանու «Իմ քայլը» խմբակցության նախաձեռնությամբ։ Նիստին մասնակցում են Երևանի ավագանու Քաղաքաշինության և հողօգտագործման հարցերի և Մշակույթի, կրթության, և սոցիալական հարցերի մշտական հանձնաժողովները։
Արտահերթ նիստին մասնակցում են նաև ՀՀ կառավարության և Երևանի քաղաքապետարանի պատասխանատուները։
Մերի Մարտիրոսյան
