17.09.2026 | 20:13
Փաշինյանն ընդունել է Բրազիլի դեսպանին
Twitter-ն ավելի քան 32 հազար ակտիվ օգտահաշիվ է ջնջել՝ դրանք ՌԴ-ի, Չինաստանի և Թուրքիայի օգտին քարոզչական համարելով
Քաղաքականություն
12.06.2020 | 18:53
Twitter սոցիալական ցանցն ավելի քան 32 հազար ակտիվ օգտահաշիվ է ջնջել, որոնք, ինչպես կորպորացիայում են կարծում, Ռուսաստանի, Չինաստանի և Թուրքիայի կառավարությունների շահերից բխող քարոզչական տեղեկություններ են տարածել։ Այս մասին գրում է DW-ի ռուսական ծառայությունը։
1.152 օգտահաշիվ կապված է եղել Ռուսաստանի հետ։ Twitter-ում կարծում են, որ դրանք կապ ունեն «Актуальная политика» կայքի հետ, որը «ՌԴ-ի ներսում պետության աջակցությամբ քաղաքական քարոզչությամբ է զբաղվում»։
Twitter-ի հայտարարությունում նշվում է, որ օգտահաշիվների ցանցն արգելափակվել է՝ քաղաքական նպատակներով տեղեկություններ վերահրապարակելու և տարածելու համար։
Արգելափակված օգտահաշիվների գերակշիռ մասը՝ 23.750, կապված է եղել Չինաստանի հետ։ Աղբյուրի փոխանցմամբ՝ այդ էջերի հեղինակները չինարենով գովաբանել են Չինաստանի Կոմունիստական կուսակցության գործունեությունը, քարոզչական կամ մանիպուլյատիվ հաղորդումներ տարածել կորոնավիրուսի համաճարակի, Հոնկոնգում բողոքի ակցիաների և Թայվանում իրադրության մասին։
Միաժամանակ, Twitter-ը ջնջել է 7.340 օգտահաշիվ, որոնք Թուրքիայի նախագահ Ռեջեփ Թայիփ Էրդողանին և իշխող «Արդարություն և զարգացում» կուսակցությունը գովաբանող հրապարակումներ են արել։
