20.01.2026 | 11:20
Արմեն Ռուստամյանի ճեպազրույցը՝ ՈՒՂԻՂ
Եվրահանձնաժողովն առաջարկում է ընդհանուր համակարգված՝ մասնակի և փուլային մոտեցմամբ վերացնել սահմանափակումները ԵՄ երկրներ ուղևորությունների համար
Քաղաքականություն
12.06.2020 | 16:21
ՀՀ ԱՄՆ դեսպանությունից տեղեկացնում են, որ այսօր Եվրահանձնաժողովը առաջարկ է ներկայացրել Շենգենյան գոտու բոլոր անդամ երկրներին և ասոցացված անդամ երկրներին՝ մինչև 2020 թվականի հունիսի 15-ը ներքին սահմանների հսկողությունը վերացնելու, ինչպես նաև երկրների քաղաքացիների «ոչ կենսական» ուղևորությունների համար ժամանակավոր սահմանափակումը մինչև 2020 թվականի հունիսի 30-ը երկարաձգելու վերաբերյալ․ Հետագայում կդիտարկվի նաև սահմանափակումները փուլային վերացնելու մոտեցումը։
«ԵՄ անդամ պետությունների ընտրությամբ այլ երկրների քաղաքացիների ուղևորությունների նկատմամբ սահմանափակումները պետք է վերացվեն համաձայն սկզբունքների ամբողջության և սահմանված չափանիշների, այդ թվում ՝ առողջական վիճակի, ուղևորության ընթացքում զսպման միջոցառումների կրառման կարողության և փոխադարձ նկատառումների հիմման վրա՝ միաժամանակ հաշվի առնելով համապատասխան աղբյուրների՝ Հիվանդությունների կանխարգելման եվրոպական կենտրոնի և Առողջապահության համաշխարհային կազմակերպության տրամադրած տեղեկատվությունը։
Այն երկրներին, որոնց քաղաքացիների նկատմամբ սահմանափակումները երկարաձգվում են, Եվրահանձնաժողովն առաջարկում է ընդլայնել թույլատրելի ուղևորությունների կատեգորիաները․ օրինակ՝ ներառել միջազգային ուսանողներին։
Հանձնաժողովը միաժամանակ նախապատրաստում է և շուտով կհրապարկի ընդհանուր ցուցումներ ԵՄ անդամ պետությունների համար, որը կօգնի ապահովել արտասահմանում մուտքի արտոնագրերի տրամադրման գողծողությունների և սահմանափակումների փուլային վերացման պատշաճ համակարգումը»,- ասված է հաղորդագրությունում:
