01.07.2026 | 02:54
ԱԱ-2026. Ֆրանսիան խնդիրներ չունեցավ, Մբապեի դուբլը. ՏԵՍԱՆՅՈՒԹ
ՌԴ-ն լրացուցիչ միջոցներ կտրամադրի ՀՀ-ին՝ կորոնավիրուսի ախտորոշման միջոցների արտադրության համար․ դեսպան. ՏԵՍԱՆՅՈՒԹ
Քաղաքականություն
11.06.2020 | 16:40
Համաճարակային անվտանգության համար պատասխանատու մեր պրոֆիլային գերատեսչությունը՝ «Ռոսպոտրեբնադզորը», հայ գործընկերներին կորոնավիրուսի ախտորոշման 1.500 թեստ է փոխանցել համաճարակի դեմ պայքարի վաղ փուլում։ Այսօր Երևանում հրավիրված առցանց ասուլիսում ասաց Հայաստանում ՌԴ դեսպան Սերգեյ Կոպիրկինը։
«Հետագայում ևս երկու անգամ անհատույց ՀՀ Առողջապահության նախարարությանը թեստային համակարգ է փոխանցվել, յուրաքանչյուրը՝ 20 հազարական թեստով, ինչպես նաև ախտորոշման համար անհրաժեշտ ռեագենտներ։ Հայաստանում վարակի դեմ պայքարի գործում նշանակալի ներդրում ունի ապրիլի 7-ից այստեղ գտնվող ռուսական նորագույն շարժական ախտորոշիչ լաբորատորիան։ Հայաստան դրա տեղափոխումը մեր երկրների պաշտպանության նախարարների միջև համաձայնության արդյունք է»,- ասաց նա։
Դեսպանն ընդգծեց, որ Հայաստանից բացի՝ արտերկրում նման համալիրներ կան միայն Սերբիան և Իտալիան։ Իսկ Հայաստանում աշխատանքի ընթացքում ռուսաստանցի մասնագետները շուրջ 7․000 թեստ են անցկացրել։
Սերգեյ Կոպիրկինը նշեց նաև, որ օրերս հայկական կողմին տեղեկացվել է «Ռոսպոտրեբնադզորի» կողմից Հայաստանին լրացուցիչ միջոցների տրամադրման մասին՝ կորոնավիրուսի լաբորատոր ախտորոշման միջոցների արտադրության համար։
Մանրամասները՝ տեսանյութում։
