24.04.2026 | 23:32
Կապանում ջրանջատում կլինի
Ասիմպտոմ որոշ COVID վարակակիրներ կարող են չփոխանցել վիրուսը․ ԱՀԿ ներկայացուցիչ
Քաղաքականություն
10.06.2020 | 14:45
Մոլորակի բնակչության մինչև 41%-ը կարող է COVID-19 ասիմպտոմ վարակակիր լինել, սակայն դեռևս հայտնի չէ, թե նրանց քանի տոկոսը կարող է փոխանցել վիրուսը։ ՌԻԱ Նովոստիի փոխանցմամբ՝ այս մասին հայտնել է Առողջապահության համաշխարհային կազմակերպության (ԱՀԿ) արտակարգ հիվանդությունների բաժնի տեխնիկական խմբի ղեկավար Մարիա Վան Կերխովեն։
«Որոշ գնահատականներով՝ երկրի բնակչության 6-ից մինչև 41%-ը կարող է ասիմպտոմ վարակակիր լինել, միջին գնատականով՝ շուրջ 16%-ը։ Բայց մենք գիտենք, որ որոշ ասիմպտոմ վարակակիրներ կարող են փոխանցել վիրուսը։ Այնպես որ՝ պետք է հասկանալ, թե բնակչության քանի տոկոսը ախտանշաններ չունի և նրանց որ մասը կարող է փոխանցել վիրուսը»,- ասել է նա։
Փորձագետն ընդգծել է, որ ԱՀԿ-ն ասիմպտոմ վարակակիրների թվի մասին հստակ տվյալներ չունի։
«Ի՞նչ գիտենք վարակվածների մասին․ գիտենք, որ նրանց մի մասը ախտանշաններ ունի։ Բայց կան նաև առանց ախտանշանների վարակվածներ։ Վարակի դեպքերի մեծ մասը, որոնց մասին մենք գիտենք, տեղի է ունեցել, երբ ախտանշաններով վարակվածներն օդակաթիլային ճանապարհով վիրուսը փոխանցել են այլ մարդկանց։ Բայց կան նաև այնպիսիք, որոնք անախտանիշ են։ Ամբողջ հարցն այն է, թե որքան են այդ մարդիկ։ Եվ մենք դեռևս չգիտենք դա»,- նշել է մասնագետը։
ԱՀԿ մեկ այլ ներկայացուցիչ Մայքլ Ռայանն էլ ընդգծել է զանգվածաբար թեստեր անցկացնելու կարևորության մասին՝ COVID-19-ով բոլոր վարակվածներին բացահայտելու համար։
