20.02.2026 | 02:07
Ադելիա Պետրոսյանը մեդալ չնվաճեց ձմեռային Օլիմպիական խաղերում
Մեր առջև խնդիր է դրված՝ ունենալ տեղական ավիափոխադրող. Պապիկյանը` ավիացիայի խնդիրների մասին. ՏԵՍԱՆՅՈՒԹ
Տնտեսություն
10.06.2020 | 10:54
ՀՀ տարածքային կառավարման և ենթակառուցվածքների նախարար Սուրեն Պապիկյանի խոսքով՝ արվելու է ամեն ինչ, որ Հայաստանն ունենա տեղական ավիափոխադրող: Այս մասին նախարարն ասաց այսօր ԱԺ-ում 2019 թվականի պետբյուջեի կատարողականի քննարկման ժամանակ՝ պատասխանելով «Լուսավոր Հայաստան» խմբակցության պատգամավոր Գևորգ Գորգիսյանի հարցին։
Պատգամավորը հետաքրքրվել էր՝ արդյո՞ք նախարարը գոհ է Քաղավիացիայի կոմիտեի աշխատանքից:
Անդրադառնալով խնդիրներին՝ Սուրեն Պապիկյանը հիշեցրեց, որ դրանք մեկ օրում չեն գրանցվել։
«Հիմա մեր առջև խնդիր է դրված՝ ամուր հիմքերի վրա դնել, ունենալ տեղական փոխադրող: Խոսքը վերաբերում է ՀՀ տեղական ավիացիային, ես դրա ջատագովն եմ, և առաջիկայում հետևողականորեն ամեն ինչ անելու եմ, որպեսզի մենք ունենանք սեփական ավիացիա: Խոսքը վերաբերում է իրական ավիափոխադրողներին, ոչ թե ձևականորեն Հայաստանում գրանցված և արհեստական ձևավորված միավորումներին»,- ասաց նա:
Մանրամասները՝ տեսանյութում։
