12.06.2026 | 15:06
Կոշտ հետևանք է լինելու, արմատախիլ են լինելու ընտրակեղծարարները. Ավինյան․ ՏԵՍԱՆՅՈՒԹ
Նիկոլ Փաշինյանը Շվեդիայի վարչապետին շնորհավորել է երկրի Ազգային տոնի առիթով
Քաղաքականություն
06.06.2020 | 18:31
Վարչապետ Նիկոլ Փաշինյանը շնորհավորական ուղերձ է հղել Շվեդիայի Թագավորության վարչապետ Ստեֆան Լյովենին՝ Ազգային տոնի առթիվ։ Այս մասին տեղեկացնում է վարչապետի աշխատակազմի մամուլի ծառայությունը։
«Ջերմորեն շնորհավորում եմ Ձեզ և Շվեդիայի բարեկամ ժողովրդին՝ Շվեդիայի Թագավորության Ազգային տոնի առթիվ։
Հայաստանը մեծապես արժևորում է Շվեդիայի հետ հաստատված բարեկամական կապերը և շահագրգիռ է ընդլայնելու երկկողմ ու բազմակողմ համագործակցությունը։ Շնորհակալ ենք Հայաստանում ընթացող ժողովրդավարական գործընթացներին Շվեդիայի շարունակական աջակցության, ինչպես նաև Հայաստան-ԵՄ փոխգործակցությանը սատարելու համար։
Լիահույս ենք, որ մարդու իրավունքների և օրենքի գերակայության վրա հիմնված արժեհամակարգը և փոխադարձ վստահությունը հիմք կծառայեն առավել ակտիվ ու հագեցած երկկողմ օրակարգ ձևավորելու համար»,- ասվում է շնորհավորական ուղերձում։
