12.10.2026 | 23:18
Գազամատակարարման դադարեցումներ՝ Հայաստանի մի շարք հասցեներում
Հայոց ցեղասպանության թանգարան-ինստիտուտի փակ ֆոնդերից կորել են որոշ նմուշներ. պատգամավորը նամակով դիմել է ԿԳՄՍ նախարարին
Քաղաքականություն
02.06.2020 | 10:47
ՀՀ ԱԺ «Լուսավոր Հայաստան» խմբակցության պատգամավոր Աննա Կոստանյանի գրառում է կատարել Հայոց ցեղասպանության թանգարան-ինստիտուտի շուրջ ստեղծված իրավիճակի վերաբերյալ:
«Կրկին Հայոց ցեղասպանության թանգարան-ինստիտուտի վերաբերյալ
Մայիսի 27-ին Ազգային ժողովում կառավարության հարցուպատասխանի ժամանակ ԿԳՄՍ նախարարն իմ կարծիքով՝ մի քանի խնդրահարույց հայտարարություններ արեց, որոնք փաստացի չեն վրիպել իմ ուշադրությունից։ Նախ այն, որ պարոն նախարարն ի պատասխան իմ հարցադրման հնչեցրեց ««Փակ ֆոնդերից» կորել են «որոշ նմուշներ»» արտահայտությունը, որն ինքնին խնդիր է Հայաստանի արտաքին քաղաքականության համար։
Թերևս այն, ինչ նկատի ուներ պարոն նախարարը, վերաբերում էր անձեռնմխելի ֆոնդերին։ Այս մասին բավարար հիմնավորումներ կարող են բերել մասնագետները։
Մյուս մտահոգությունս մասնավորապես այս հայտարարության մեջ վերաբերում էր կորած կամ կորստի մեջ կասկածվող նմուշներին։
Խնդրել եմ տրամադրել տեղեկություններ այն մասին, թե արդյոք ավարտվել են այդ նմուշների փնտրման ուսումնասիրությունները, կա՞ կազմված, ստորագրված, վավերացված վերջնական ակտ այդ կորած նմուշների վերաբերյալ։
Ես որպես ՀՀ ԱԺ պատգամավոր, հետաքրքրված լինելով Հայոց Ցեղասպանության Թանգարան-Ինստիտուտով, դրա ճակատագրով, պաշտոնական գրությամբ ԿԳՄՍ նախարարին խնդրել եմ ինձ դիտորդի կամ ունկնդրի կարգավիճակով ներառել ՀՑԹԻ հոգաբարձուների խորհրդի առաջիկա նախատեսվող նիստին։
