14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Ամենաշատը 7 րոպե ուսուցիչը խոսեց՝ երեխան արդեն չի լսում․ ճիշտ մեթոդաբանության կարիք կա․ «Այբ» դպրոցի տնօրեն. ՏԵՍԱՆՅՈՒԹ
Հասարակություն
09.04.2020 | 14:07
«Այբ» դպրոցի տնօրեն Արամ Փախչանյանը «Հեռավար կրթության մարտահրավերներն ու հնարավորությունները արտակարգ դրության պայմաններում» առցանց լսումների ժամանակ անդրադառնալով ներկայում կիրառվող հեռավար ուսուցման գործընթացին՝ նշեց, որ մեզ այս հարցում ոչ թե նոր, այլ ճիշտ մեթոդներ են պետք։
Նա ներկայացրեց հեռավար կրթության վերաբերյալ իր տեսակետները. «Մենք պետք է ամեն բան անենք, որպեսզի այս փորձը, որ ձեռք բերեցինք, կիրառվի։ Էքստրովերտ երեխաների համար առցանց կրթությունն է ավելի դժվար, ինտրովերտների համար փրկություն է։ Խոսելով ներառականության մասին, պետք է հասկանանք, որ հիմա ներառական կրթությունը յուրաքանչյուրի համար է, չկա այլևս ներառական և ոչ ներառական երեխա, ամեն երեխա անհատականություն է, և ամեն երեխա պետք է զանազանություն բերի»։
Փախչանյանը կարևորեց դասապրոցեսի կազմակերպման հարցում աշակերտների տեսակետները հաշվի առնելը՝ ընդգծելով, որ իրենք, լսելով աշակերտների ներկայացրած տեսակետները, որոշել են հրաժարվել տնային հանձնարարություններ տալու պրակտիկայից։
«Այն մեթոդները, որոնք մեզ թվում էին՝ աշխատում են, չեն աշխատում։ Ուսուցիչը ամենաշատը 7 րոպե խոսեց, երեխան այլևս չի լսում, մենք դրա հետ ուղղակի առնչվեցինք հերթական անգամ»,- նշեց նա:
Մանրամասները՝ տեսանյութում:
