«Գազպրոմը» ստիպել է աշխատակիցներին գնալ աշխատանքի, տեսուչներին հրահանգված է անջատել չվճարողների գազը

Լուրեր

19.03.2025 | 23:36
Եթե խաղաղությունը պետք է կյանքի կոչվի, ապա երկու կողմերն էլ պետք է հանձնառու լինեն վստահության և երկխոսության մթնոլորտի ձևավորմանը. Միրզոյան
19.03.2025 | 23:14
Երևանում և 10 մարզում էլեկտրաէներգիայի անջատումներ կլինեն
19.03.2025 | 23:01
Հանցանք կատարած ոստիկանների նկատմամբ պետք է համապատասխան գործողություններ ձեռնարկվեն. Գեղամ Ստեփանյան. ՏԵՍԱՆՅՈՒԹ
19.03.2025 | 22:44
Այս ազգը նորից կհաղթի Էրդողանին, որը պետությունը հակադրում է ժողովրդին. Թուրքիայի ընդդիմության առաջնորդը՝ ձերբակալությունների մասին
19.03.2025 | 22:29
Զելենսկին մեկնաբանել է Թրամփի հետ կայացած բանակցությունները
19.03.2025 | 22:15
Ինչ պատասխան է տվել ՔԿ-ն Տիգրան Ուլուբաբյանին և նրա պաշտպանին. ՏԵՍԱՆՅՈՒԹ
19.03.2025 | 22:01
Մենք զիջումներ արել ենք, բայց չեմ կարծում՝ դա աղետ է․ Ադրբեջանը ևս զիջումներ արել է․ Թագուհի Ղազարյան. ՏԵՍԱՆՅՈՒԹ
19.03.2025 | 21:55
Ստորագրվել է Հայաստանի դիվանագիտական դպրոցի և Բրազիլիայի Ռիո Բրանկո ինստիտուտի միջև փոխըմբռնման հուշագիրը
19.03.2025 | 21:45
Ինքնախոստովանություն կորզելու նպատակով է խոշտանգումը տեղի ունեցել. Ռուբեն Մելիքյան. ՏԵՍԱՆՅՈՒԹ
19.03.2025 | 21:40
Գազայում Իսրայելի հարվածների հետևանքով վերջին 2 օրերին 970 մարդ է զոհվել, այդ թվում՝ ՄԱԿ-ի աշխատակից
19.03.2025 | 21:28
Գերմանիայի Բունդեսթագը հաստատել է պաշտպանության ոլորտի մի քանի միլիարդանոց ներդրումների փաթեթը
19.03.2025 | 21:17
Ցուցարարները փակել են Քննչական կոմիտե տանող ճանապարհը. ՏԵՍԱՆՅՈՒԹ
19.03.2025 | 21:13
Ուոլցը հայտնել է Ուշակովի հետ զրույցի և Սաուդյան Արաբիայում ՌԴ-ԱՄՆ առաջիկա հանդիպման մասին
19.03.2025 | 20:59
Խոշտանգման դեպքերով ՀՀ ՔԿ-ն ցուցաբերում է «թքած ունեմ» վերաբերմունք. Ռոման Երիցյան. ՏԵՍԱՆՅՈՒԹ
19.03.2025 | 20:55
Ադրբեջանի պաշտպանության նախարարությունը կրկին ապատեղեկատվություն է տարածել. ՀՀ ՊՆ
Բոլորը

«Գազպրոմ Արմենիան» իր աշխատակիցներին ստիպել է թերթիկներ լրացնել և այսօր ներկայանալ աշխատանքի։ Այս մասին Factor.am-ին են ահազանգում ընկերության աշխատակիցները:

«Ամբողջ Երևան գազի աշխատակիցներին ստիպել են թերթիկներ լրացնել և գնալ աշխատանքի՝ այն պարագայում, երբ որևէ կենսական նշանակության աշխատանք նրանք չեն կատարում՝ տեսուչներ են, որոնք մարդկանցից հավաքում են գազի վճարը։ Տեսուչ աշխատողների մեծ մասը 60-ից բարձր տարիքի անձինք են, որոնք լինելով ռիսկային խմբում, վտանգի են ենթարկելու նաև իրենց ընտանիքների անդամներին»,- փոխանցում են ընկերության՝ մեզ ահազանգած աշխատակիցները։

Ընկերության այս գործելաոճը հակասում է նաև բաժանորդների հետ մատակարարման պայմանագրին։ Ըստ 9-րդ կետի, որով կարգավորվում են ֆորսմաժորային իրավիճակները, «կողմերը պայմանագրով սահմանված պարտավորությունների չկատարման համար պատասխանատվություն չեն կրում, եթե այն հետևանք է ֆորմաժորային իրավիճակի։

Ըստ պայմանագրի՝ ֆորսմաժոր են համարվում արտակարգ և անխուսափելի դեպքերն ու իրադարձությունները, որոնք առաջացել են կողմերի կամքից անկախ և միաժամանակ՝ անկախ վերջիններիս գործադրած ջանքերից խոչընդոտել են պարտավորությունների կատարմանն ուղղված կողմերի գործադրած ջանքերին։

Factor.am-ին «Գազպրոմ Արմենիայի» աղբյուրները նաև հայտնում են, որ «Երևան գազում» ժողով է տեղի ունեցել, որի ժամանակ ընկերությունը հրահանգել է դադարեցնել գազի դիմաց չվճարած քաղաքացիների գազամատակարարումը։

Աշխատակիցների հակադարձմանը, թե ինչպես է հնարավոր կորոնավիրուսի այս օրերին նման քայլի գնալ, պատասխանել են, որ այդպես «Գազպրոմի» ղեկավարությունն է որոշում կայացրել։

Խնդիրն այն է, որ այս գործելաոճը հակասության մեջ է մտնում ՀՀ պարետի՝ ամբողջ հանրապետությունում անձանց տեղաշարժի սահմանափակման վերաբերյալ որոշման հետ։ Բացի այդ, աշխատակիցների մեծ խմբեր են կենտրոնացել «Գազպրոմի» գրասենյակներում՝ լավ հող նախապատրաստելով կորոնավիրուսի տարածման համար։

Տեղեկությունը ճշտելու համար փորձեցինք կապ հաստատել «Գազպրոմ Արմենիայի» մամուլի ծառայության հետ, սակայն մեր զանգերը մնացին անպատասխան։

Ընկերության Կենտրոն մասնաճյուղի ընդունարանից մեր հարցին ի պատասխան նշեցին, որ չվճարելու դեպքում գազի մատակարարարումն անջատվելու է։ Բացի այդ, հաստատեցին մեր այն տեղեկությունը, որ բոլոր աշխատկիցները ներկայացել են աշխատանքի․ «Բոլորն էլ դուրս են եկել գումարների հավաքագրման համար»։

Ռոբերտ Անանյան