Արտակարգ դրություն հայտարարվելու դեպքում ի՞նչ կլինի հանրաքվեի ճակատագիրը․ մեկնաբանում է սահմանադրագետը

Հայաստանում արտակարգ դրություն հայտարարելու դեպքում ապրիլի 5-ին նախատեսված Սահմանադրական փոփոխությունների հանրաքվեն և՛ կարող է հետաձգվել, և՛ չեղարկվել։ Այս մասին մեզ հետ զրույցում նշեց ԵՊՀ սահմանադրական իրավունքի ամբիոնի վարիչ Վարդան Այվազյանը՝ ընդգծելով, որ դա կախված է կառավարության որոշումից։

«Չնայած օրենսդրությամբ նման հիմքեր չկան նախատեսված՝ հետաձգելու կամ չեղարկելու վերաբերյալ, այնուամենայնիվ արտակարգ դրության ժամանակ ընտրություններ և հանրաքվեներ չեն անցկացվում։ Բայց արտակարգ դրություննունի սկիզբ և վերջ, ավարտվելուց հետո կարող են այդ միջոցառումներնանցկացնել»։

Վարդան Այվազյանը ներրկայացրեց, թե որ դեպքերում է հայտարարվում արտակարգ դրություն։

«Արտակարգ դրությունը սահմաանդրությամբ նախատեսվում է սահմանադրական կարգին սպառնացող անմիջական վտանգի դեպքում։ Ազգային ժողովն իրավունքի ուժով անհապաղ հրավիրում է արտահերթ նիստ, որպեսզի կամ հաստատի արտակարգ ռեժիմը, կամ վերացնի»։

Մասնագետի խոսքով՝ արտակարգ դրություն կարող են սահմանել նաև համաճարակի դեպքում Հանրապետության որոշ շրջաններում կամ ամբողջ Հանրապետությունում։

«Սահմանափակվում են քաղաքացիների իրավունքները, խոսքը առավելապես վերաբերում է ազատ տեղաշարժի իրավունքին, հավաքներ անցկացնելու իրավունքին, ընտրություններ, հանրաքվեներ․․․։ Եթե սահմանադրական կարգին սպառնացող որոշակի խմնդիր կա, կարող է սահմանափակվել խոսքի ազատության իրավունքը, կուսակցությունների գործունեությունը, բայց քանի որ այժմ խոսքը  համաճարակի մասին է, ենթադրվում է, որ դրա կապակցությամբ ազատ տեղաշարժի իրավունքը կսահմանափակվի։ Բոլոր դեպքերում սահմանափակվող օրավունքների ցանկը կառավարությունն է որոշում արտակարգ դրության մասին որոշմամբ, եթե որոշում եղավ, որ նաև հանրաքվեն չի անցկացվելու, չի անցկացվի»,- նշեց Վարդան Այվազյանը։

Հիշեցնենք որ այսօր՝ ժամը 15։00-ին, Կառավարության արտահերթ նիստ կգումարվի, որի ժամանակ, ըստ ամենայնի, որոշում կկայացվի արտակարգ դրություն հայտարարել։ Նիստը կլինի դռնբաց և ուղիղ եթերում կհեռարձակվի, ընթացքին կարող եք հետևել Factor TV-ի եթերում։

Անժելա Պողոսյան