23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Ձեր ասած 10 մլրդ-ն արժանահավատ չեմ համարում. Միքայել Մելքումյանն՝ Ատոմ Ջանջուղազյանին
Տնտեսություն
31.10.2017 | 16:59
ԱԺ տնտեսական հարցերի ու ֆինանսավարկային և բյուջետային հարցերի մշտական հանձնաժողովների համատեղ նիստում այսօր շարունակվել է «ՀՀ 2018թ. պետական բյուջեի մասին» ՀՀ օրենքի նախագծի քննարկումը:
Քննարկման ընթացքում «Ծառուկյան» դաշինքից ԱԺ փոխնախագահ Միքայել Մելքումյանն անդրադարձավ օրենսդրական փոփոխությունների արդյունքում բյուջե եկող լրացուցիչ 10 մլրդ դրամին:
Միքայել Մելքումյանը նշեց՝ նոր Հարկային օրենսգրքի ուժի մեջ մտնելուց հետո մի շարք ուղղություններով՝ ակցիզային հարկով, եկամտային հարկով և այլն, էական աճ է լինելու:
«Բենզինի մասով պայմանական 25 հազարը դառնում է 40 հազար, սեղմած գազի մասով պայմանական միավորի հաշվով 8 հազարը դառնում է 25 հազար, ծխախոտի, խմիչքների մասով և այլն: Ես ձեր ասած 10 մլրդն արժանահավատ չեմ համարում, որովհետև գտնում է, որ ավելի շատ պետք է հավաքագրվի»,- շարունակեց Մելքումյանը ՝ հեգնելով, որ իշխանությունը վստահեցնում է՝ 2018 թվականին բյուջեով հանրություն ավելի լավ է ապրելու:
Ատոմ Ջանջուղազյանը հակադարձեց՝ իրենք արժանահավատ են համարում Հարկային օրենսգրքի արդյունքում ակնկալվող լրացուցիչ 10 մլդն 280 մլն եկամուտը:
Մանրամասները՝ տեսանյութում:
