10.09.2026 | 11:35
Թրամփը հայտարարել է, որ Իրանի հետ պատերազմը կավարտվի ԱՄՆ միջանկյալ «ընտրություններից անմիջապես հետո»
Մեկնարկել է սպարտակիադայի ծրագրով անցկացվող սեղանի թենիսի մրցումների եզրափակիչ փուլը
31.10.2017 | 18:03
Այսօր՝ հոկտեմբերի 31-ին, մեկնարկել է ՀՀ սպորտի և երիտասարդության հարցերի նախարարության կողմից իրականացվող Հայաստանի Հանրապետության և Արցախի Հանրապետության հանրակրթական դպրոցների 8-12-րդ դասարանների սպարտակիադայի ծրագրով անցկացվող սեղանի թենիսի մրցումների եզրափակիչ՝ հանրապետական փուլը, որին մասնակցելու իրավունք են ձեռք բերել նախնական փուլում հաղթած դպրոցների թիմերը:
Ներկաներին ՀՀ սպորտի և երիտասարդության հարցերի նախարար Հրաչյա Ռոստոմյանի ողջույնի խոսքն է փոխանցել նախարարության մասսայական սպորտի բաժնի պետ Սուրեն Պռազյանը: Նա մասնակիցներին մաղթել է հաջող մրցելույթներ և առողջ մրցակցություն: «Այս մրցումներում, մեծ հաշվով, չկան հաղթողներ և պարտվողներ, քանի որ սա լավ առիթ է ոչ միայն մրցելու, այլ նաև մարմինն ու հոգին կոփելու, առողջ և մարզված լինելու համար»,- ասել է Ս. Պռազյանը:
Մրցումներին մանակցում են Հայաստանի և Արցախի հանրակրթական դպրոցների շուրջ 70 աշակերտներ: Սպարտակիադայի ծրագրով անցկացվող սեղանի թենիսի մրցումների արդյունքները կամփոփվեն վաղը՝ նոյեմբերի 1-ին, «Հայաստան» մարզական միության մարզադահլիճում: Նույն օրը տեղի կունենա հաղթողների և մրցանակակիրների պարգևատրման արարողությունը:
