13.06.2026 | 17:19
Խաղաղ օվկիանոսում սկսվել է Էլ Նինյո կլիմայական երևույթը. այն կարող է փոխել եղանակն ամբողջ աշխարհում
Ընտանեկան բռնությունը կանխարգելող օրինագծի հետ կապված ՀՀԿ-ն առաջարկներ է ներկայացրել. այն էական փոփոխության կենթարկվի
Քաղաքականություն
31.10.2017 | 16:04
Առաջիկայում «Ընտանեկան բռնության կանխարգելման և ընտանեկան բռնության ենթարկված անձանց պաշտպանության մասին» օրինագիծն ավելի կկատարելագործվի ԱԺ ՀՀԿ խմբակցության ներկայացրած առաջարկների շնորհիվ: Այս մասին Factor.am-ի հետ զրույցում համոզմունք հայտնեց ՀՀԿ խմբակցության քարտուղար Գագիկ Մելիքյանը:
«Մենք կունենանք ընդունված առաջարկություններ, որոնք կբխեն մեր ժողովրդի շահերից, մեր պետության շահերից, մեր ավանդույթներից և մեր ավանդական ընտանիքի շահերից»,- նշեց Գագիկ Մելիքյանը:
Պարոն Մելիքյանը չի հերքում՝ կան դրույթներ, որոնք հանրապետականների համար ընդունելի չեն, սակայն ՀՀԿ-ական պաշտոնյան չի հայտնում՝ որոնք են այդ դրույթները: «Կան դրույթներ, որոնց հետ կապված Հանրապետականն այլ առաջարկներ ունի»,- հակիրճ հավելեց ՀՀԿ խմբակցության քարտուղարը:
Factor.am-ի հարցին՝ ընտանեկան բռնության մասին օրենքը որևէ կերպ հակասո՞ւմ է Հանրապետականի գաղափարախոսությանը, պարոն Մելիքյանը հստակ պատասխան չտվեց, միայն առաջարկեց սպասել քննարկումների արդյունքների ամփոփմանը, որից հետո առավել մանրամասն կխոսեն նախագծի վիճահարույց դրույթներից:
Մանրամասները՝ տեսանյութում:
