29.04.2026 | 20:13
Բեռնատարը դուրս է եկել ճանապարհի երթևեկելի հատվածից և կողաշրջվել
Մի մրմռացեք. Տարոն Մարգարյանը դիմեց ավագանու «Ելք» խմբակցությանը
Քաղաքականություն
31.10.2017 | 13:27
Այսօր Երևանի քաղաքապետարանում մեկնարկեց ավագանու երկրորդ նստաշրջանի երկրորդ նիստը: Քաղաքապետ Տարոն Մարգարյանը նշեց, որ ներկա են ավագանու 62 անդամներ, քվորումն ապահովված է, օրակարգում ընդգրկված է տասը հարց` հետագա հինգ տարիների գործունեության մասին:
«Ելք» դաշինքի անդամները հարց հղեցին քաղաքապետին` ինչո՞ւ փողոցների անվանափոխման հարցն օրակարգում ներառված չէ: Որին քաղաքապետը պատասխանեց` «յուրաքանչյուր հարց իր ժամանակին կքննարկվի»: «Երկիր Ծիրանիի» ավագանու անդամ Մարիա Խաչատրյանը ելույթ ունեցավ նիստի սկզբում՝ նշելով, որ օրակարգում առկա հարցերը չեն վերաբերվում երևանցիների խնդիրներին. «Երևանը կտրտում և սկուտեղի վրա մատուցում եք տարբեր անձանց»:
Այսօրվա նիստին որոշվեց տարածք տրամադրել դերասան Հրանտ Թոխանտյանին հիմնելու` «Արվեստի այբուբեն» մշակութային հիմնադրամը: Հրանտ Թոխատյանն իր ելույթում ասաց, որ «Ելք» դաշինքն ու քաղաքապետարանի աշխատակիցները եղել են շենքի ներսում և տեսել, որ այն վատթար վիճակում է գտնվում. «Եկեք միասին գնանք և ինքներդ ներսից տեսեք, թե ինչ վիճակում է գտնվում շենքը: Դրսից մի նայեք, դրսից գեղեցիկ է: Ծրագիրն իրականացնելու համար պետք է նշեմ, որ անգամ տասը տարին է քիչ: Ես ավագանու անդամներին խնդրում եմ ինձ ավելի երկար ժամանակ տրամադրել, որպեսզի շենքը ծառայի իր նպատակին»:
Հիսունինը կողմ ձայնով որոշումն ընդունվեց, սակայն այն շատ բուռն քննարկվեց: «Ելք» դաշինքի ավագանու անդամ Արայիկ Հարությունյանը դիմելով Թոխատյանին ասաց, որ նրա գործունեության բոլոր դրական կողմերը սևացնում է ավագանու Հանրապետական խմբակցության անդամ լինելը: Տարոն Մարգարյանն էլ իր ելույթում հակադարձեց նրան` «Մենք հպարտ ենք, որ Դուք Հանրապետական խմբակցության անդամ եք, իսկ դեմ հանդես եկողներին կասեմ` մի մրմռացեք»:
Այժմ հայտարարվել է ընդմիջում:
Մանրամասները՝ տեսանյութում:
