15.10.2026 | 00:05
NATO-ի նավատորմին ծառայություններ մատուցող ընկերությունը կասկածվում է 1 միլիոն եվրոյի խարդախության մեջ
Թուրքիայի ուժայինները այս տարվա նոյեմբերին ստանալու են մահապարտ ԱԹՍ-ների առաջին խմբաքանակը. Razm.info
Քաղաքականություն
31.10.2017 | 11:08
Թուրքական «Պաշտպանական տեխնոլոգիաների նախագծման» ընկերությունը (STM) նախատեսում է այս տարվա նոյեմբերի առաջին շաբաթվա ընթացքում Թուրքիայի ուժային կառույցների սպառազինությանը հանձնել Alpagu («Ալփագու») և Kargu («Քարգու») մահապարտ ԱԹՍ-ների առաջին խմբաքանակը: Այս մասին հայտնում է թուրքական պետական «Անադօլու» գործակալությունը. փոխանցում է razm.info-ն:
Մահապարտ անօդաչու թռչող սարքերը համալրված են լինելու տեղական արտադրության սարքավորումներով և զինամթերքով, որը «Պաշտպանական տեխնոլոգիաների նախագծման» ընկերությանը մատակարարել է թուրքական MKEK ընկերությունը:
Թուրքիայի պաշտպանական արդյունաբերության գլխավոր վարչությունը դեռևս հոկտեմբերի 22-ին հայտնել է, որ զանգվածային արտադրության են դրել Alpagu մահապարտ ԱԹՍ-ն:
Հիշեցնենք, որ Թուրքիան «Ալփագու» և «Քարգու» մահապարտ ԱԹՍ-ները, ինչպես նաև Togan («Թոգան») հետախուզական ԱԹՍ-ները ցուցադրել էր 2017 թ. մայիսին:
Alpagu ԱԹՍ-ն ֆիքսված թևերով անօդաչու սարք է: Իր տեխնոլոգիական լուծումներով այն հիշեցնում է ամերիկյան արտադրության Switchblade փոքր ԱԹՍ-ն:
