ՏԱՐԱԿԱՐԾԻՔ. Դեպի էլեկտրոնային կրթություն՝ դատարկ գրպանով, բայց  լի հույսերով

Հանրապետության դպրոցները դրական են արձագանքել  էլեկտրոնային կրթությանն անցնելու գաղափարին: Այս մասին օրերս հայտարարել է Հայաստանի  կրթության և գիտության նախարար Լևոն Մկրտչյանը ՝ խոստանալով, որ արդյունքները շուտով կհրապարակվեն:

Նախարարի խոսքով` էլեկտրոնային կրթությանն անցելու համար անհրաժեշտ է տեխնիկական ապահովվածություն: Նա շեշտել է, որ  էլեկտրոնային կրթությունը ենթադրում է նաև ուսուցիչների վերապատրաստում  և տեղեկացրել, որ արդեն 1000-ից ավել ուսուցիչներ  անցել են այդ գործընթացը։ 

Գյուղական դպրոցների զարգացման հայեցակարգի շրջանակում հեռահաղորդակցային կապի միջոցով 2017 թվականին կրթության և գիտության նախարարության կողմից ընտրված մենթոր դպրոցները նախատեսվող ծրագրի պիլոտային փուլով գործընկեր դպրոցների մասնակցությամբ  7-12-րդ դասարաններում  բնագիտական առարկաների շրջանակում  իրականացրել են հեռավար դասեր: Ընթացիկ ուսումնական տարում նախատեսվում է  ընդլայնել մենթոր և գործընկեր դպրոցների ներգրավվածությունը՝ առաջնահերթությունը տալով սահմանամերձ և սոցիալական աջակցություն ստացող համայնքների 47 դպրոցի:

Իսկ արդյոք Հայաստանը ֆինանսապես և տեխնիկապես պատրաստ է անցնել էլեկտրոնային կրթության,   ի՞նչ կտա մեզ հեռավար կրթությունը։ Թեմայի շուրջ Factor.am-ը զրուցել է ՀՀ ԿԳՆ աշխատակազմի հանրակրթության վարչության նախադպրոցական և միջնակարգ կրթության բաժնի պետ Սուսաննա Ազատյանի  և «Հանրային քաղաքականության ինստիտուտի» կրթության փորձագետ Հովհաննես Հովհաննիսյանի հետ։

Աննա Բաբաջանյան