Դուք, վստահ եմ, կանեք այն, ինչ լավագույնն է ձեր երկրի ապագայի համար. Վրաստանի փախվարչապետը՝ ՍԴ դատավորներին թոշակի ուղարկելու մասին. ՏԵՍԱՆՅՈՒԹ

Լուրեր

29.03.2024 | 10:40
Արգելվում է Սոլովյովի հաղորդումների հեռարձակումը ՀՀ-ում` հանրային մուլտիպլեքսի միջոցով
29.03.2024 | 10:35
Որքանո՞վ է հավանական, որ Հայաստանը դառնա ԵՄ անդամության թեկնածու․ զրույց դեսպան Վասիլիս Մարագոսի հետ
29.03.2024 | 10:29
ՔԿ-ն խուզարկում է Ժիրայր Սեֆիլյանի բնակարանում և ԱԺԲ-ի հետ փոխկապակցված 40-ից ավելի հասցեներում
29.03.2024 | 10:21
Քարաթափում Լանջազատ գյուղի մոտակայքում
29.03.2024 | 10:05
Արտարժույթների փոխարժեքները մարտի 29-ի դրությամբ
29.03.2024 | 09:48
Նավթի գներն աճել են
29.03.2024 | 09:33
ՀՀ տարածքում կան փակ ավտոճանապարհներ. Լարսը բաց է
28.03.2024 | 23:16
Հրազդանում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
28.03.2024 | 23:01
Դեսպան Գալստյանն ու Ռումինիայի ԱԳՆ պետքարտուղարը կարևորել են միջգերատեսչական համագործակցության ակտիվացումը
28.03.2024 | 22:47
Որոշում եմ կայացրել այս պահին չհավակնել ԲԴԽ դատավոր անդամի թափուր տեղին. Վազգեն Ռշտունի
28.03.2024 | 22:39
Պապիկյանը մասնակցել է օպերատիվ հավաքների շրջանակում ռազմական տեխնիկայի ցուցադրությանը
28.03.2024 | 22:04
Հայաստանի մի շարք հասցեներում էլեկտրաէներգիայի անջատումներ կլինեն
28.03.2024 | 21:44
Ո՞րն է Կոռուպցիայի կանխարգելման հանձնաժողովի «աքիլլեսյան գարշապարը». ԹԻՀԿ զեկույցը. ՏԵՍԱՆՅՈՒԹ
28.03.2024 | 21:38
Քաղաքական խորհրդակցություններ՝ Հայաստանի և Կորեայի ԱԳՆ-ների միջև
28.03.2024 | 21:35
ՌԴ-ում «Կրոկուս»-ի ահաբեկչության գործով չորս մեղադրյալների ահաբեկիչների և ծայրահեղականների ցանկում են ներառել
Բոլորը

Դատական համակարգի բարեփոխումների համար չկա որևէ մոդել կամ համակարգ, որը կարելի է կրկնօրինակել։ Դուք, վստահ եմ, կանեք այն, ինչ լավագույնն է ձեր երկրի ապագայի համար։ Որպես հարևան երկրի ներկայացուցիչ՝ սա լավագուն խորհուրդն է, որ կարող եմ տալ։ Այս մասին այսօր Հայ-վրացական իրավական համագործակցության երրորդ ֆորումի ժամանակ նշեց Վրաստանի փոխվարչապետ, արդարադատության նախարար Թեա Ծուլուկիանին՝ անդրադառնալով ՀՀ ՍԴ դատավորներին վաղ թոշակի ուղարկելու՝ Կառավարության նախաձեռնությանը:

«Վրաստանի դատական համակարգում 1990-ականներից մի շարք բարեփոխումներ արվեցին։ Վրացական Կառավարությունը դա բարեփոխում էր անվանում, դատական համակարգի վերակազմակերպում՝ բոլոր դատավորներին տուն ուղարկելու և նորերով փոխարինելու միջոցով։ Որոշ ժամանակ այս բարեփոխումն արդյունավետ էր, աշխատում էր, որոշ ժամանակ՝ ոչ։ Սակայն դա այդպես էր Վրաստանում, չենք կարող ասել՝ արդյո՞ք Հայաստանում այն կաշխատի։ Վրաստանում Կառավարությունը գործող դատավորներին առաջարկում էր թոշակի անցնել և լքել պաշտոնը։ Որոշ դատավորներ իսկապես ուրախ էին նման որոշման համար և կամավոր արեցին դա, մյուսները հրաժարվեցին»,- ասաց Վրաստանի փոխվարչապետը։

Նա, սակայն, նշեց, որ այսօր կարելի է ասել՝ այդ մեխանիզմը չաշխատեց․ «2012-ի նոյեմբերին Արդարադատության նախարարության իմ թիմը պատասխանատու էր դատական համակարգի բարեփոխումների համար։ Հարց էր առաջացել՝ կա՛մ պետք էր նոր և վերակազմակերպված դատական համակարգի անցնել՝ փոխելով դատավորներին, կա՛մ բարեփոխել ոչ թե մարդկանց, այլ օրենքները՝ քաջալերելով մարդկանց հետևել օրենքներին։ 7 տարի առաջ սա դժվար գործընթաց էր։ Վերլուծելով նախկինում մեր ունեցած լավ ու վատ փորձը, դրա ազդեցությունը և արդյունքները՝ ներկայում իշխող կուսակցության նախագահը մեզ խորհուրդ տվեց գնալ երկրորդ ճանապարհով և բարեփոխել կառույցը, պայքարել վատ օրենքների դեմ, այլ ո՛չ մարդկանց։ Կարող եմ ասել, որ սա այնքան էլ տարածված մոտեցում չէ, բայց մենք դժվարություններով արեցինք դա։ Այսօր կարող ենք հպարտանալ բարեփոխումների այն երեք եղանակով, որոնք քննվել էին Վենետիկի հանձնաժողովի կողմից։ Բարեփոխումների մի մասը գովասանքի էր արժանացել, որոշ մասը՝ ոչ, բայց կարող եմ ասել, որ ինձ իրականում այնքան էլ չի մտահոգում՝ արդյո՞ք Վենետիկի հանձնաժողովի զեկույցը 100 տոկոսով դրական չէ։ Մենք պետք է անենք այն, ինչ լավագույնն է մեր երկրի համար։ Մենք պատասխանատու ենք հաջորդ սերնդի համար։ Մենք որոշեցինք երկու տարի առաջ չափել իրականացված բարեփոխումները, և դա անել օտարերկրյա կազմակերպությունների օգնությամբ։ Ուսումնասիրությունները ցույց տվեցին, որ Վրաստանում հասարակության 52%-ը կարծում է, թե այս բարեփոխումների արդյունքում արդարադատությունն ավելի անկախ և վստահելի է, թեպետ դեռ դանդաղ է, չափից շատ թանկ արժե և բարեփոխումները դեռ շարունակել է պետք։ Ինձ համար սա լավ արդյունք է։ Կարծում եմ, որ արդարադատության հաջորդ նախարարն անելիք ունի, դրա համար գործի մի մասը նրան եմ թողնում։ Ես հավակնում եմ թողնել մի գործ, որն արժանի է շարունակական լինելու։ Այսօր այստեղ ենք նաև՝ ձեզանից խորհուրդ լսելու, քանի որ դուք բավականին արագ եք առաջընթաց գրանցում»,- ասաց նա։

Մանրամասները՝ տեսանյութում:

Նարեկ Կիրակոսյան