14.05.2025 | 23:30
Վարչապետը տիկնոջ հետ ներկա է գտնվել Հայաստանի ազգային ֆիլհարմոնիկ նվագախմբի 100-ամյակին նվիրված համերգին
Ինչու են տուգանվում տաքսի ծառայության մեքենաները կայանատեղիներում կայանելիս․ Խաչատրյանը՝ ՆԳ նախարարին․ ՏԵՍԱՆՅՈՒԹ
Հասարակություն
16.04.2025 | 18:35
«Տաքսի ծառայություն իրականացնող վարորդները հարց են բարձրացրել, երբ աշխատում են ինչ-որ տաքսի օպերատոր ծառայությունում, օրինակ, «Յանդեքսում» և կայանում են տաքսու համար նախատեսված կայանատեղիներում տուգանվում են»,- ԱԺ-Կառավարություն հարցուպատասխանի ժամանակ ՔՊ-ական պատգամավոր Արմեն Խաչատրյանը հարցրեց ՆԳ նախարար Արփինե Սարգսյանին։
Նախարարն արձագանքեց, որ նման ահազանգեր նաև իրենք են ստանում։
«Եթե կա այնպիսի ապացուցողական բազա, որ վստահ կլինենք, որ տվյալ մեքենան մատուցում է տվյալ ծառայությունը, կա գրանցում, կոնկրետ ընկերությունը հավաստում է դրա մասին, ապա կփորձենք արդեն վարչարարության շրջանակներում հասնել ակտի բեկանման: Վստահեցնում եմ, որ այսուհետ բեկանումները կլինեն, եթե լինեն ապացույցները: Կփորձենք ընդառաջել մեր քաղաքացիներին»,- խոստացավ նախարարը և հավելեց նաև, որ հարցը օրենսդրական կարգավորման խնդիր ունի և պետք է նաև այդ ուղղությամբ աշխատեն։
Մանրամասները՝ տեսանյութում։
