14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
Եթե Ադրբեջանը դրական պատասխան տա, կարող ենք անմիջապես ձեռնամուխ լինել միջին միջանցքին. Միրզոյան․ ՏԵՍԱՆՅՈՒԹ
Քաղաքականություն
16.04.2025 | 17:55
«Եթե Ադրբեջանը դրական պատասխան տա, կարող ենք անմիջապես ձեռնամուխ լինել միջին միջանցքին՝ նույնիսկ չզուգակցելով գործընթացը խաղաղության համաձայնագրի ստորագրման հետ»,- այս մասին ԱԺ-Կառավարություն հարցուպատասխանի ժամանակ ասաց ՀՀ ԱԳ նախարար Արարատ Միրզոյանը։
Ըստ Միրզոյանի՝ «Խաղաղության խաչմերուկ» նախագիծը նոր փնտրվող լոգիստիկ ճանապարհների մաս դառնալու մասին է։
«Բազմաթիվ փորձագետներ կան, որոնք պնդում են՝ «Խաղաղության խաչմերուկ»-ը միջին միջանցքի ճյուղ է։ Հայաստանի ներկայացրած այս նախագիծը հիանալի կերպով տեղավորվում է այդ կոնցեպտների մեջ։ Հանրահայտ է, որ մենք շատ կառուցողական ու պրակտիկ առաջարկ ենք արել, փոխադարձաբար ընդունելի առաջարկ ենք արել Ադրբեջանին․ եթե պաշտոնական դրական պատասխան լինի, կարող ենք անմիջապես ձեռնամուխ լինել ենթակառուցվածքների ապաշրջափակմանը, միջին միջանցքին՝ նույնիսկ չզուգակցելով գործընթացը խաղաղության համաձայնագրի ստորագրման հետ»,- նշեց Միրզոյանը։
Մանրաամասները՝ տեսանյութում։
