30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
ԼՂ-ն մերժեց մասնակցել Սոֆիայի հանդիպմանը, մեզանից ի՞նչ են ուզում, ձե՞ռ են առնում․ Միրզոյան․ ՏԵՍԱՆՅՈՒԹ
Քաղաքականություն
16.04.2025 | 17:35
ՀՀ ԱԳ նախարար Արարատ Միրզոյանը ԱԺ-Կառավարություն հարցուպատասխանի ժամանակ հայտարարեց, թե ընդդիմադիրները աղավաղել են և տրամագծորեն հակառակ լույսի ներքո են ներկայացրել ԱԳՆ-ի՝ «Ազատություն» ռադիոկայանի հարցման պատասխանը, համաձայն որի՝ ասվել է, որ «Լեռնային Ղարաբաղի հայության բռնի տեղահանության և Լեռնային Ղարաբաղի լուծարման վերաբերյալ հրամանագրի հրապարակումից հետո խնդիրը դուրս է եկել Հայաստանի և Ադրբեջանի միջև միջպետական հարաբերությունների կարգավորման օրակարգից»:
Հայաստանի արտաքին գերատեսչության ղեկավարը պնդեց, որ ՀՀ կառավարությունը՝ Նիկոլ Փաշինյանի գխավորությամբ, արել է ամեն ինչ, որպեսզի ԼՂ հայության իրավունքների և անվտանգության հարցը որևէ կերպ հասցեագրվի։
«Ակնհայտ չէ՞, որ Լեռնային Ղարաբաղը մերժեց, օրինակ, մասնակցել Սոֆիայի հանդիպմանը։ Հիմա մեզնից ի՞նչ են ուզում, ձե՞ռ են առնում, ես չեմ հասկանում, այս հարցերի պատասխանը պետք է լրջորեն տրվի՞ վերջը, թե՝ չէ: Ինչքա՞ն կարելի է իրենց եղած նույն թերթերի միջոցով, անընդհատ ասել՝ Ղարաբաղը հանձնեցին, Ղարաբաղը հանձնեցին: Հիմա գիտե՞ք ինչ են ասում՝ Ղարաբաղը Հայաստանի իշխանությունը լուծարեց, այսինքն՝ այդքան կա՞րճ է մարդկանց հիշողությունը, ո՞ւմ են հիմարի տեղ դնում»,- հայտարարեց ԱԳ նախարարը։
