30.10.2026 | 17:26
«Խաղաղության համաձայնագրի ստորագրման համար կարևոր է, որ ՀՀ-ն անհրաժեշտ քաղաքական և իրավական քայլեր ձեռնարկի»․ Բայրամով
Փոխվել է Դիլիջան ֆուտբոլային ակումբի սեփականատերը
12.11.2019 | 17:03
«Դիլիջան» ֆուտբոլային ակումբում կատարվել է սեփականատիրոջ փոփոխություն: Այս մասին տեղեկանում ենք ակումբի ֆեյսբուքյան պաշտոնական էջից:
«Հարգելի երկրպագուներ Ուրախ ենք Ձեզ տեղեկացնելու, որ ս.թ. նոյեմբերի 11-ին տեղի է ունեցել Դիլիջանի Ֆուտբոլային ակումբի սեփականատիրոջ փոփոխություն: Ակումբը ամեն ինչ անելու է ուրախացնելու իր երկրպագուներին: Մյուս տարվանից ակումբը պատրաստվում է ուժեղացնել թիմի կազմը:
Հետեւեք մեր պաշտոնական էջին», – ասված է հայտարարության տեքստում: Որևէ այլ մանրամասն չի ներկայացվում:
Հիշեցնենք, որ ակումբի նախկին սեփականատերը բրիտանացի Ուիլ Թոմսոնն էր:
Հայաստանի առաջնության Առաջին խմբի նորեկը արդեն կայացած 12 խաղերում տարել է 1 հաղթանակ, կրել 11 պարտություն և 3 միավորով նախավերջին՝ 16-րդ հորիզոնականում է:
Հիշեցնենք, որ ավելի վաղ թիմը հրաժարվել էր Հայաստանի Գավաթի խաղարկության 1/8 եզրափակչի՝ «Լոռիի» հետ խաղից: ՀՖՖ կարգապահական կոմիտեն թիմին զրկել է Գավաթի հաջորդ խաղարկության մասնակցության իրավունքից:
