14.01.2026 | 14:03
Որևէ մեկն ուզել է Ադրբեջանից բենզին բերել, ձեռքը բռնե՞լ են.Գևորգյանը` Փաշինյանի հայտարարության մասին. ՏԵՍԱՆՅՈՒԹ
Թրամփը որոշել է լրացուցիչ զորք ուղարկել Մերձավոր Արևելք
Քաղաքականություն
21.09.2019 | 13:26
ԱՄՆ նախագահ Դոնալդ Թրամփը Մերձավոր Արևելք լրացուցիչ զորք ուղարկելու որոշումը հավանության է արժանացրել: Այդ մասին հայտարարել է Պենտագոնի ղեկավար Մարկ Էսպերը. գրում է Interfax–ը:
«Ամերիկյան ուժերը կատարելու են պաշտպանական առաջադրանքներ: Նրանք հիմնականում կկենտրոնանան հակաօդային և հակահրթիռային պաշտպանության վրա»,- ասել է ԱՄՆ պաշտպանության նախարարը` հավելելով, որ անհրաժեշտության դեպքում ԱՄՆ զորակազմը կարող է ընդլայնվել, ապա ընդգծել, որ խոսքը բնավ «հազարավոր» զինվորներ ուղարկելու մասին չէ:
Բացի այդ, Էսպերը հաստատել է, որ Միացյալ Նահանգները շարունակում է կարծել, որ Սաուդյան Արաբիայի դեմ հարձակումների մեջ ներգրավված է Իրանը: «Զինատեսակներն արտադրվել են Իրանում: Հարձակումը Եմենի կողմից չի եղել», – նշել է Պենտագոնի ղեկավարը:
Նշենք, որ Սաուդյան Արաբիայի նավթային ընկերություններից մեկը՝ Saudi Aramco-ն հրթռային հարձակման էր ենթարկվել, ինչը հանգեցրել էր Սաուդյան Արաբիայում նավթի արդյունահանման ծավալների մոտ 50 տոկոս կրճատմանը՝ օրական 5,7 միլիոն բարել:
Հարձակման պատասխանատվությունը ստանձնել էին Եմենի ապստամբ-հուսիթները, սակայն ԱՄՆ-ը կասկածի տակ է դնում նրանց ներգրավվածությունը և հարձակումների մեջ մեղադրում է Թեհրանին, վերջինը, սակայն, հերքում է այդ մեղադրանքները:
