05.07.2026 | 22:44
Աշխարհի առաջնությունների պատմության մեջ առաջին անգամ ֆուտբոլիստի կարմիր քարտը չեղարկվել է
Հերմինե Նաղդալյանը նկատողություն արեց Արմեն Աշոտյանին
Քաղաքականություն
27.09.2017 | 16:18
Ազգային ժողովի արտաքին հարաբերությունների հանձնաժողովի նիստում քննարկվում է ԱԺ ընդդիմադիր «Ելք» խմբակցության՝ Ազգային ժողովի ժամանակավոր հանձնաժողով ստեղծելու առաջարկը: Ընդդիմադիր դաշինքն առաջարկում է հանձնաժողովը ստեղծել, որն էլ կքննարկի Եվրասիական տնտեսական միությանը Հայաստանի անդամակցության օգուտներն ու վնասները:
ԱԺ «Ելք» խմբակցության ղեկավար, հարցի հիմնական զեկուցող Նիկոլ Փաշինյանը մինչ ժամանակավոր հանձնաժողովի ստեղծման անհրաժեշտությանն անդրադառնալը խոսեց ԵՏՄ-ին Հայաստանի անդամակցությունից հետո ունեցած վնասներից: Ընդդիմադիր դաշինքի պատգամավորը պատասխանեց նաև հանձնաժողովի անդամների հարցերին:
Հարակից զեկուցող, ՀՀԿ խմբակցության պատգամավոր Հերմինե Նաղդալյանը, սակայն, իր խոսքում դիտողություն արեց հանձնաժողովի նախագահ Արմեն Աշոտյանին. «Հարցի քննարկումն ընթացավ բովանդակությանը ոչ համարժեք, կարելի է դա ձևակերպել որպես կանոնակարգի խախտում, պարոն Աշոտյան, Ձեր համբերությունը չափից ավել էր և կանոնակարգի պահանջին չէր համապատասխանում»:
Արմեն Աշոտյանն, արձագանքելով Հերմինե Նաղդալյանի դիտողությանն,ասաց՝ համաձայն չէ հնչած գնահատականին՝ նիստը վարելու հետ կապված: «Հանրային քննարկումները կարևոր են, հաշվի առնելով հարցի կարևորությունը չընդհատեցի»,- արդարացավ հանձնաժողովի նախագահը:
Մանրամասները՝ տեսանյութում:
Շողիկ Գալստյան
