14.01.2026 | 15:57
Իրանի գլխավոր դատավորը չի բացառել արագացված դատավարությունները և ձերբակալված ցուցարարների զանգվածային մահապատիժները
ԱԱ․ Սլավիկ Գալստյանը ցավալի պարտություն կրեց աշխարհի գործող չեմպիոնից
14.09.2019 | 20:00
63 կգ քաշային Սլավիկ Գալստյանը 2։4 հաշվով պարտվեց Նուր-Սուլթանում ընթացող ըմբշամարտի աշխարհի առաջնության կիսաեզրափակչում։ Գալստյանի մրցակիցը Ռուսաստանը ներկայացնող, հայ, աշխարհի գործող չեմպիոն Ստեփան Մարյանյանն էր։ Այս մասին հայտնում է ՀԱՕԿ կայքը:
Գալստյանը 2։0 հաշվով հաղթում էր Մարյանյանին։ Այնուհետև Ռուսաստանի ներկայացուցիչը հնարավորություն ստացավ պարտերում վերևից աշխատելու և գլորեց Գալստանին։ Գոտեմարտն ավարտվեց 2։3 հաշվով։ Հայ մարզիչները բողոքարկման բարձիկ նետեցին՝ սակայն անարդյունք։ Գոտեմարտի վերջնական հաշիվը դարձավ 2։4։
Մինչև կիսաեզրափակիչ հասնելը Գալստյանը երկու կամային հաղթանակ էր տարել Ադրբեջանը և Ուզբեկստանը ներկայացնող ըմբիշների նկատմամբ։
55 կգ քաշային Նորայր Հախոյանը զրկվեց բրոնզե մեդալի համար պայքարը շարունակելու հնարավորությունից, իսկ 72 կգ քաշային Մալխաս Ամոյանը վաղը սփոփիչ գոտեմարտ կանցկացնի և կփորձի մեծահասակների տարիքային խմբում իր նորամուտը բրոնզե մեդալով նշել։
Սեպտեմբերի 15-ին պայքարի մեջ կմտնեն 67 կգ քաշային Կարեն Ասլանյանը, 87կգ քաշային Արթուր Շահինյանը և 97 կգ քաշային Արթուր Ալեքսանյանը։
