23.06.2026 | 06:00
ԱԱ-2026. Նորվեգիան դուրս եկավ փլեյ-օֆֆ, Հոլանդը դարձյալ դուբլն գրանցեց. ՏԵՍԱՆՅՈՒԹ
Սեպտեմբերի 11-ի տարելիցի օրը Քաբուլում ԱՄՆ դեսպանատան մոտ պայթյուն է որոտացել
Քաղաքականություն
11.09.2019 | 15:29
Աֆղանստանի մայրաքաղաք Քաբուլում ԱՄՆ դեսպանատան մոտ սեպտեմբերի 11-ին հզոր պայթյուն է որոտացել: Այս մասին գրում է Gazeta-ն:
Պայթյունից հետո միացել է դեսպանատան ազդանշանային համակարգը: Աղբյուրի փոխանցմամբ՝ ազդանշանի ձայնը լսվել է դիվանագիտական ներկայացուցչության մերձակա շրջաններում:
Զոհերի և տուժածների մասին տեղեկություններ պաշտոնապես չեն հաղորդվել:
Հավելենք, որ այսօր Նյու Յորքում տեղի ունեցած ահաբեկչության 18-րդ տարելիցն է: 2001 թվականի այս օրը «Ալ-Քաիդա» ահաբեկչական կազմակերպության մահապարտները չորս ուղևորատար օդանավ էին գրավել՝ դրանցից երկուսն ուղղելով դեպի Առևտրի համաշխարհային կենտրոնի աշտարակները, մյուս երկուսը՝ դեպի Պենտագոն և, ենթադրաբար, Սպիտակ տուն կամ Կապիտոլիում: Երեք օդանավերը հասել են նպատակակետին, իսկ չորրորդն ընկել է Փենսիլվանիա նահանգի Շանքսվիլ քաղաքի մոտակայքում:
Սեպտեմբերի 11-ի ահաբեկչության հետևանքով 2.974 մարդ է զոհվել:
