21.05.2026 | 20:28
«Վերջին զանգի» միջոցառումներով պայմանավորված՝ Ոստիկանությունը ուժեղացված ծառայություն կիրականացնի
Այո՛, ունենք հաստատումներ, արտառոց իրավիճակ չունենք. Զոհրաբ Մնացականյանը՝ Երևան Պուտինի այցի մասին. ՏԵՍԱՆՅՈՒԹ
Քաղաքականություն
06.09.2019 | 12:38
ՀՀ ԱԳ նախարար Զոհրաբ Մնացականյանն այսօր հրավիրված ասուլիսում հարցին՝ արդյո՞ք ռուսական կողմը հաստատել է հոկտեմբերին Վլադիմիր Պուտինի այցը Հայաստան, դրական պատասխան տվեց:
«Նախապատրաստվում ենք հոկտեմբերի 1-ի գագաթնաժողովին, որին մասնակցելու են ԵՏՄ անդամ պետությունների ղեկավարները: Եվ, այո՛, մենք ունենք հաստատումներ, մենք չունենք որևէ իրավիճակ, որ ես ասեմ՝ ինչ-որ արտառոց իրավիճակ ունենք հոկտեմբերի 1-ի գագաթնաժողովի նախապատրաստման առումով»,- հավելեց նախարարը:
Լրագրողի հարցին՝ հնարավո՞ր է, որ ՌԴ նախագահ Վլադիմիր Պուտինը ցանկություն հայտնի այցի ընթացքում հանդիպել կալանքի տակ գտնվող Ռոբերտ Քոչարյանին, և դա ինչպե՞ս կարող է ազդել դիվանագիտական հարաբերությունների վրա, Զոհրաբ Մնացականյանը պատասխանեց. «Այդ «եթե» կոնտեքստն ինձ որևէ կերպ չի հրապուրում մեկնաբանելու, թե՝ եթե այնպես, ուրեմն՝ ինչպես: Մենք պատրաստվում ենք գագաթնաժողովին: Վստահ եմ, որ հայ-ռուսական միջպետական հարաբերություններն այս գագաթնաժողովից միայն շահելու են»:
Մանրամասները՝ տեսանյութում:
