16.09.2026 | 13:49
Իրանի հարվածները լուրջ վնաս են հասցրել Մերձավոր Արևելքում ԱՄՆ ռազմաբազաներին․ CBS News-ը բացառիկ լուսանկարներ է հրապարակել
Թրամփը սահմանափակել է ԿԺԴՀ ու Վենեսուելայի քաղաքացիների մուտքն ԱՄՆ
Քաղաքականություն
25.09.2017 | 16:51
ԱՄՆ նախագահ Դոնալդ Թրամփը խստացրել է ԱՄՆ մուտք գործելու սահմանափակումները մի շարք երկրների քաղաքացիների համար և ցանկում ավելացրել է երեք պետություն՝ Վենեսուելա, ԿԺԴՀ և Չադ:Այդ մասին ասվում է Սպիտակ տան ղեկավարի հայտարարության մեջ. փոխանցում է ria.ru-ն:
Վենեսուելայի, ԿԺԴՀ և Չադի քաղաքացիների համար մուտքի արգելքը ուժի մեջ կմտնի հոկտեմբերի 18-ից: Սև ցուցակում կմնան Իրանը, Եմենը, Լիբիան, Սիրիան ու Սոմալին: Նշվում է, որ ցանկից հանվել է Սուդանը:
Բացի Վենեսուելայից՝ յոթ երկրի քաղաքացիների համար սառեցվել է ներգաղթային վիզայով մուտքը: Վենեսուելայի համար արգելքը տարածվում է մի շարք հաստատությունների պետական չինովնիկների, նրանց ընտանիքի անդամների, ինչպես նաև բիզնես և զբոսաշրջային վիզաներ ունեցողների վրա: Այլ կատեգորիայի վիզաներ ունեցողներին ավելի մանրազնին ստուգումներ են սպասվում:
Ինքը՝ Թրամփն, իր որոշումը բացատրել է ներգաղթյալների անվտանգ ընտրության անհնարինությամբ: «Իմ թիվ մեկ առաջնահերթությունն է. անել այնպես, որպեսզի Ամերիկան անվտանգության մեջ լինի: Մենք մեր երկրում չենք ընդունի նրանց, ում համար չենք կարողանա ապահովել անվտանգ ընտրություն», – գրել է նախագահը Twitter-ում:
