22.01.2026 | 23:29
ՀՀ տարածքում կան փակ ավտոճանապարհներ, Լարսը բաց է
Թուրքիայի օդուժը Իրաքյան Քուրդիստանում գործողություն է իրականացրել
Քաղաքականություն
25.09.2017 | 13:27
Իրաքյան Քուրդիստանում անկախության հանրաքվեին ընդառաջ, Թուրքիայի օդուժը սեպտեմբերի 25-ին վաղ առավոտյան օպերացիա է իրականացրել Զափ, Ավաշին և Բասյան շրջաններում (Իրաքյան Քուրդիստան):
Թուրքական «Haberler.com» լրատվամիջոցը, հղում անելով Թուրքիայի զինուժի գլխավոր շտաբի տրամադրած տեղեկատվությանը, նշում է, որ օպերացիայի ընթացքում հրթիռակոծվել են նշյալ շրջաններում գտնվող «Քուրդիստանի բանվորական կուսակցության» (ՔԲԿ-PKK) ռազմաճամբարները: Ոչնչացվել են քուրդ զինյալներին պատկանող զինապահեստներ, թաքստոցներ և զինամթերք:
Նշենք, որ իրաքյան Քուրդիստանի Քանդիլ շրջանում էլ գտնվում է PKK-ի գլխավոր ռազմաբազան:
Պաշտոնական Անկարան դեմ է արտահայտվել Իրաքյան Քուրդիստանի անկախության հանրաքվեին՝ համարելով, որ դա հանդիսանում է Իրաքի սահմանադրության և տարածքային ամբողջականության խախտում: Հանրաքվեին դեմ է արտահայտվել նաև Իրանի Իսլամական Հանրապետությունը (ԻԻՀ). փոխանցում է ermenihaber-ը:
