14.11.2024 | 23:29
ՀՀ էկոնոմիկայի փոխնախարարի գլխավորած պատվիրակությունն այցելել է Չաբահար նավահանգիստ
Թուրքիայի հայությունը ընտրված հոգևոր հայր չունի. Կարո Փայլանը՝ Պոլսո պատրիարքական ընտրությունների մասին
Քաղաքականություն
22.09.2017 | 13:44
Թուրքիայում ապրող հայ ժողովուրդը ընտրված հոգևոր հայր չունի, սակայն վախ կա մարդկանց մեջ, որն էլ արգելում է այդ մասին խոսել։ Այս մասին լրագրողների հետ հանդիպմանն ասաց Թուրքիայի խորհրդարանի պատգամավոր Կարո Փայլանը՝ անդրադառնալով Պոլսո պատրիարքարանի առաջիկա ընտրություններին։
«Պոլսո պատրիարքը 10 տարի է հիվանդ է, և այս տարիներին այդ աթոռն ազատ էր։ Թուրքիայի քաղաքականության պայմանները վատն են, բայց մենք պետք է ընտրված պատրիարք ունենանք»,- ասաց նա։
Պատգամավորի համոզմամբ՝ Թուրքիայի իշխանություններն անում են ամեն ինչ, որպեսզի պատրիարքը լինի իրենց հովանավորյալը։ «Մեկ բան է կարևոր, որ ընտրված պատրիարքը բոլոր հայերիս պատրիարքը լինի»,- նշեց Փայլանը։
Սեդա Ղուկասյան
