Քաղաքականություն
22.09.2017 | 12:18Թուրքիայի Մեջլիսի հայազգի պատգամավոր Կարո Փայլանն այսօր տեղի ունեցած ասուլիսի ժամանակ պատասխանելով Factor.am-ի հարցին, թե հավանական համարում է, որ Թուրքիան մաս կազմի ԵՏՄ ազատ առևտրի գոտուն, ըստ էության հարցին չպատասխանելով՝ ընդգծեց միայն, որ Թուրքիան պարբերաբար «իր դեմքը փոխում է»։
«Թուրքիայի երեսը Արևմուտքի կողմն էր, բայց դժբախտաբար դա չնպաստեց ժողովրդավարության բարձրացմանը։ Իսկ արդեն հեղափոխության փորձից հետո Թուրքիան դեմքը թեքեց դեպի ՌԴ»,- ասաց նա՝ հավելելով, որ իր գնահատմամբ դա խաղ է։
Ինչ վերաբերում է այն հարցին, թե ինչպիսին կլինի իր վերաբերմունքը, եթե հայաստանյան իշխանությունների կողմից իսկապես չեղարկվեն հայ-թուրքական արձանագրությունները, Փայլանը պատասխանեց․ «Հայաստանը 2009-ի Հայաստանը չէ, ավելի ինքնավստահ է, պայմանները փոխվել են, փոխվել են նաև Արցախը, Ադրբեջանը, բայց պետք է նույն թուղթը ունենանք։ Հիմա երկխոսություն չկա, դրա համար ես այստեղ եմ, որ երկխոսություն լինի»։
Սեդա Ղուկասյան
